Suhbat barysynda Qazaqstan Prezıdenti Qasym-Jomart Toqaevtyń Fınlıandııa prezıdentine joldaǵan sálemi men jyly nıet-lebizderi jetkizilip, Qazaqstanǵa saparmen kelip-ketý týraly shaqyrýy tabys etildi.
Fınlıandııanyń memleket basshysyn Qazaqstannyń saıası damýy, ekonomıkasyn ártaraptandyrýy jáne tranzıttik-kóliktik áleýetin damytý jolyndaǵy qolǵa alynǵan sharalar boıynsha habardar etildi.
Qazaqstan-Fınlıandııa qatynasynyń qazirgi jaǵdaıy men keleshegin talqylaý barysynda Elshi ekijaqty yntymaqtastyqtyń barlyq spektri boıynsha, ásirese, sıfrlyq tehnologııalar salasyndaǵy ózara árekettestikti tereńdetýge el basshylyǵynyń múddeliligin tanytty.
Prezıdent Q.Toqaev ulyqtaý rásiminde sóılegen sózinde aıqyndaǵan negizgi baǵyttar týraly egjeı-tegjeıli aıtyldy. Qazaqstannyń Tuńǵysh Prezıdenti - Elbasy Nursultan Nazarbaev álemdik qaýymdastyqqa úsh dıalog negizinde jańa geosaıası ahýal qalyptastyrý týraly usynǵan bastamasy málimdendi.
Sonymen qatar Tuńǵysh Prezıdent - Elbasy N.Nazarbaev pen Prezıdent Q.Toqaevtyń prezıdent S.Nıınısteniń týǵan kúnine oraı quttyqtaýlary tabystaldy.
Fınlıandııa prezıdenti eki el arasyndaǵy qatynastardyń dostyq sıpatyna erekshe kóńil aýdaryp, Qazaqstannyń halyqaralyq arenadaǵy mańyzdylyǵyn atap ótti. Ol ekijaqty saýdanyń ósip kele jatqan betalysyna qanaǵattanýshylyq bildirdi.
S.Nıınıstıo Tuńǵysh Prezıdent - Elbasy N.Nazarbaevtyń qazirgi qazaq memlekettiliginiń negizin qalaýshy retindegi rólin aıryqsha aıtyp, onyń jahandyq arhıtektýra men geosaıası máselelerdiń qalyptasý úderisterin tereń túsinetindigin atap ótti. Fın memleketiniń basshysy elimizdiń Prezıdenti Q. Toqaevqa júrekjardy lebizin bildirdi.
Fınlıandııa prezıdenti Qazaqstanǵa jasaǵan saparlaryn eske alyp, eldiń qazirgi damýyn joǵary baǵalady jáne eldegi saıası, áleýmettik-ekonomıkalyq reformalardy odan ári júzege asyrýda sáttilik tiledi.
