Kezdesý barysynda Memleket basshysy Iаn Szechı myrzany burynnan biletinin, onyń QKP syrtqy ister mınıstri laýazymyndaǵy tabysty qyzmetimen buǵan deıin de jiti tanys ekenin atap ótti. Prezıdent bul sapardyń Qazaqstan úshin óte mańyzdy ekenin de aıtty.
– Biz Qytaıdy kórshiles ári dostyq qarym-qatynastaǵy memleket dep esepteımiz. Sondaı-aq, álemdegi ekonomıkasy damyǵan ekinshi el ekenin de negizge alamyz. Qazaqstan bul saparǵa úlken mán beredi. Biz Qazaqstannyń Azııadaǵy is-qımyl jáne ózara senim sharalary jónindegi keńes pen halyqaralyq arenadaǵy basqa da bastamalaryn qoldaǵany úshin Qytaı memleketine rızashylyq bildiremiz. Ekonomıkalyq yntymaqtastyqqa keler bolsaq, onyń strategııalyq sıpaty bar. Tuńǵysh Prezıdentimiz Nursultan Nazarbaev pen Tóraǵa Sı Szınpın qol jetkizgen ýaǵdalastyqtar odan ári damı beredi, – dedi Memleket basshysy.
Iаn Szechı Qasym-Jomart Toqaevty bıylǵy maýsymda Qazaqstan Prezıdenti laýazymyna saılanýymen quttyqtady. Onyń aıtýynsha, saılaýdaǵy jeńis – Qazaqstan halqynyń joǵary seniminiń kórsetkishi. Iаn Szechı Qazaqstan Prezıdentiniń bul sapary eki el arasyndaǵy jan-jaqty strategııalyq seriktestikke tyń serpin beretinin málim etti.
