Bul – shetelde turatyn otandastarmen baılanys ornatý jáne nyǵaıtý boıynsha Qor baǵdarlamasy serııasyndaǵy tórtinshi bıznes-forým. Is-sharanyń negizgi maqsaty – Ulybrıtanııadaǵy qazaq dıasporasy ókilderimen iskerlik qarym-qatynas ornatý.
Forýmǵa Qazaqstannyń Ulybrıtanııadaǵy elshisi Erlan Ábilfaıyzuly Ydyrysov, «Otandastar qory» KEAQ vıse-prezıdenti Maǵaýııa Sarbasov, Dúnıejúzi qazaqtary qaýymdastyǵynyń Tóraǵasynyń orynbasary Jánibek Lesbekov, Bıznes jáne jobalardy akselerasııalaý departamentiniń bas menedjeri Anas Baqqojaev, «Crimson Field» JShS dırektory Talǵat Ahmetjanov, «Kazakhstan Phd Association» prezıdenti Alııa Sembaeva jáne qazaq dıaspora ókilderi men Ulybrıtanııada oqyp júrgen qazaqstandyq stýdentter qatysty.
Qordyń vıse-prezıdenti Maǵaýııa Sarbasov jıynǵa qatysýshylardy Qor jáne Dúnıejúzi qazaqtar qaýymdastyǵynyń qyzmetimen, sheteldegi dıasporamen jumys isteý jónindegi qordyń negizgi jobalarynyń biri – álem boıynsha qazaq mádenı - iskerlik úıi jelisin qurý jónindegi josparymen tanystyrdy.
Ortalyq keńsesi Nur-Sultanda ornalasqan Qazaq mádenı-iskerlik úıi resmı ókili retinde shet elderde turatyn etnıkalyq qazaqtar tartylatyn iskerlik úıleri men mádenı ortalyqtar jelisin qurady. Olar qazaq mádenıetin, salt-dástúrin, ulttyq brendterin dáripteıdi jáne tildi saqtaıdy. Sondaı-aq qazaqstandyq eksportty, ónimderdi tartýǵa atsalysady. Bıznes-kelisimsharttar jasaýǵa qatysady, seriktesterdi, tyń bıznes ıdeıalar men ınnovasııalyq startaptardy izdeıdi. Izraıl, Armenııa tárizdi elderde mádenıetti ilgeriletý men bıznesti damytýda keńinen qoldanylǵan bul ustanym –dıaspora ókiliniń bilim-biligi men turatyn eliniń tutynys qajettiligi jaıly túsinigin durys baǵytta paıdalaný naqty jemisin bergen.
Forým qatysýshylary startaptar, bıznes-bastamalar, qolda bar jobalar týraly aıtyp, spıkerlerge suraqtar qoıyp, bıznes josparlar men bastamalardy Qazaqstanda da, halyqaralyq naryqta da ilgeriletý múmkindikterin talqylady.
Sondaı-aq Londonda Astana Opera, Astana Balet, Qurmanǵazy orkestri sııaqty mádenı jáne ulttyq brendterdi ilgeriletý, dıaspora arasynda tildi saqtaý, sondaı-aq «Abaı» mádenı ortalyǵyn qurý máseleleri qozǵaldy.
Aıta keteıik, Londondaǵy Bıznes-forým Mıýnhen, San-Fransısko, Stambýl jáne Tashkent qalalaryndaǵy kezdesýlerden keıin besinshi boldy. Túrli elderde turatyn otandastarmen barlyq osyndaı kezdesýler 8 (GFR, AQSh, Ulybrıtanııa, Shvesııa, Qytaı Halyq Respýblıkasy, О́zbekstan, Túrkııa jáne Reseı) josparlanǵan, kelesi Bıznes-forým 2019 jyldyń qazan aıynda Stokgolm qalasynda (Shvesııa) ótedi.
Aldaǵy forýmdar týraly barlyq aqparat Qordyń Facebook jáne Instagram áleýmettik jelilerindegi resmı betterinde qoljetimdi. Budan basqa, aldaǵy bıznes-forýmdardyń egjeı-tegjeıin otandastarymyzdyń suraqtary boıynsha biryńǵaı baılanys ortalyǵyna qońyraý shalyp bilýge bolady:
1404
8 800 080 1404
+7 (7172) 98 14 04
sondaı-aq Whatsapp jáne Telegram messendjerlerde (qońyraýlar qabyldanady) nómiri boıynsha
+7 701 000 1404
