– Birinshi suraq – aqparattyq qaýipsizdik. Bul ózekti másele. Qazirgi tańda dástúrli buqaralyq aqparat quraldaryna qaraǵanda Internet, onyń ishinde áleýmettik jeliler basym. Bir jaǵynan, bul jaqsy úrdis. Internette tanymdyq jáne aǵartýshylyq aqparat kóp. Ekinshi jaǵynan, kıberqaýipsizdikke baılanysty qaterler de barshylyq, - dedi Elbasy.
Qaýipsizdik Keńesiniń Tóraǵasy aqparattyq qaýipsizdikti qamtamasyz etý salasynda halyqaralyq tájirıbeni zertteýdiń mańyzdylyǵyn atap ótti.
– Bul máselede basqa eldermen tájirıbe almasý qajet. Osy baǵytta damýdy qoldaı otyryp adamdardyń qaýipsizdigin qamtamasyz etý mańyzdy, - dedi Qazaqstannyń Tuńǵysh Prezıdenti.
Kún tártibindegi ekinshi másele boıynsha aqparatty tyńdaı kele, Nursultan Nazarbaev Aqtóbe oblysynyń kólik-tranzıttik damý áleýetiniń keıbir aspektilerine nazar aýdardy.
Sonymen qatar, Elbasy óńirde kásipkerlik pen adamı kapıtaldy damytý úshin qolaıly orta qalyptastyrý qajettigin aıtty.
Sondaı-aq, otyrysta batys makroóńiriniń agroónerkásiptik habyn qurý máseleleri qaraldy.
Qaýipsizdik keńesi otyrysynyń qorytyndysy boıynsha Úkimet pen Aqtóbe oblysynyń ákimdigine tıisti tapsyrmalar berildi.
