Taraptar saýda-ekonomıkalyq, kólik-logıstıkalyq jáne tehnologııalyq salalardaǵy yntymaqtastyqtyń aýqymyn keńeıtýdiń qazirgi jaǵdaıy men perspektıvalaryn talqylady, sondaı-aq, halyqaralyq kún tártibindegi ózekti máseleler boıynsha pikir almasty.
Memleket basshysy Fınlıandııa Soltústik Eýropa men Eýropalyq Odaqtaǵy Qazaqstannyń negizgi seriktesteriniń biri ekenin atap ótti.
Qasym-Jomart Toqaev Fınlıandııamen syndarly jáne senimdi saıası dıalogty joǵary baǵalap, ózara tıimdi qarym-qatynasty damytýǵa daıyn ekenin aıtty.
Prezıdenttiń aıtýynsha, Elbasy Nursultan Nazarbaevtyń 2018 jyldyń qazan aıynda Fınlıandııaǵa jasaǵan saparynyń nátıjesinde qol jetkizilgen ýaǵdalastyqtardy júzege asyrýmen qatar, yntymaqtastyqtyń jańa baǵyttaryn izdestirý eki eldiń arasyndaǵy áriptestiktiń shekarasyn keńeıte túspek.
