Premer-Mınıstr Asqar Mamın Prezıdent Qasym-Jomart Toqaevqa áleýmettik-ekonomıkalyq damýdyń ózekti máseleleri, sheteldik ınvestısııalardy tartý barysy, memlekettik-jekemenshik áriptestik jobalaryn iske asyrý, óńirlerdi damytý jóninde qabyldanyp jatqan sharalar týraly baıandady.
Sondaı-aq Asqar Mamın Prezıdentke 2019 jylǵa arnalǵan respýblıkalyq bıýdjetti naqtylaý jobasy jaıynda da aqparat berdi. Memleket basshysy Premer-Mınıstrge qazan aıynyń ortasynda ótetin ekonomıkalyq damý máselelerine arnalǵan Úkimettiń keńeıtilgen otyrysyna daıyndyq jumystaryn bastaýdy tapsyrdy.
Senat Tóraǵasy Prezıdentke Parlamenttiń joǵary palatasy jumysynyń jaı-japsary men zań shyǵarý qyzmetiniń jospary týraly aıtty. Prezıdent Joldaýdyń negizgi baǵyttaryn sapaly zańnamamen qamtamasyz etýdiń mańyzdylyǵyn atap ótti.
