«Kúshti básekege qaramastan bizdiń oblystan aparǵan ónimder laıyqty baǵasyn aldy. Kórme qorytyndysy boıynsha «Mılh» jaýapkershiligi shekteýli seriktestigi 4 altyn, 1 kúmis medal aldy. Al «Baıan sulý» AQ 3 kúmis medalmen marapattaldy» deıdi Qostanaı oblysy Kásipkerler palatasy dırektorynyń orynbasary Gennadıı Kýkoba.
«Mılh» kompanııasy altyn medaldi «Novyı den» saýda markasymen usynǵan eki túrli «Plombır» balmuzdaqtary, ýltrapasterlengen sút jáne «Dástúrli sary maı» úshin altyn aldy. Al kúmis medalge «Slıvochnyı» dep atalatyn balqytylǵan irimshik laıyq dep tabyldy.
«Búgin óte kóp atalymy bar sút taǵamdarynyń arasynan tutynýshy tabıǵı dámi jáne paıdaly qasıeti bar ónimge ǵana mańyz beredi. Biz 100-den artyq atalymmen sút ónimderin óndiremiz. Sonyń árqaısysy baǵaly» deıdi sút zaýytynyń dırektory Sergeı Blok.
Sút zaýytynda balmuzdaqtar álemdik brend sanalatyn jabdyqtar arqyly óndiriledi, memlekettik standarttar qatań saqtalady. Kásiporyn óniminiń altynǵa baǵalanǵany da sondyqtan. Kásiporyn basshylyǵy men mamandary iri kórmege qatysqanyn asa zor jetistik sanap otyr. Bul zaýyt ónimin tanytýǵa jasalǵan zor múmindik.
Qostanaı
