Baıqaý «Bolashaqqa baǵdar: rýhanı jańǵyrý» baǵdarlamasy aıasynda Mańǵystaý oblystyq ǵylymı-ádistemelik jáne mádenı qyzmet kórsetý ortalyǵynyń «Elimizge tanymal, óńirimizdiń, uly esimderin maqtan tutamyz» jobasy boıynsha oblystyq mádenıet, tilderdi damytý jáne arhıv isi basqarmasy jáne oblystyq ǵylymı-ádistemelik jáne mádenı qyzmet kórsetý ortalyǵynyń uıymdastyrýymen ótti.
Kórkem ónerpazdardyń sheberilikterin shyńdaý, múmkindikterin kórermenge kórsetý, dramalyq janrdyń repertýarlyq bazasyn nyǵaıtyp, onyń damýyna yqpal etý, qoıylymdardyń kórkemdik ıdeıalyq deńgeıin arttyrý jáne Ábish shyǵarmalaryn nasıhattaý maqsatyndaǵy sharaǵa Mańǵystaýdyń aýdan-qalalarynan on drama ujymy qatysty.
Teatr baıqaýyna Jańaózen qalasy «Altyn shańyraq» halyqtyq teatry, Munaıly aýdany, Qyzyltóbe halyqtyq drama ujymy, Qaraqııa aýdany Senek «Kóz áınek» drama ujymy, Qaraqııa aýdany Munaıshy «Qara shańyraq» drama ujymy, Beıneý aýdany Aqjigit halyq teatry, Mańǵystaý aýdanynyń Jyńǵyldy halyqtyq drama ujymy, Ondy halyqtyq drama ujymy, Jarmysh halyq teatry, Ushtaǵan drama ujymy, Túpqaraǵan aýdandyq drama ujymy, ortalyq qyzmetkerleri qatysty.
Baıqaý qorytyndysynda I oryn Mańǵystaý aýdany Jyńǵyldy halyqtyq drama ujymyna, II oryn Jańaózen qalasy «Munaıshy» mádenıet úıiniń halyqtyq «Altyn shańyraq» drama ujymyna, III oryndy Munaıly aýdany Qyzyltóbe mádenıet úıiniń halyqtyq drama ujymy men Qaraqııa aýdany Senek aýylynyń «Kóz áınek» drama ujymyna buıyrdy. Al Beıneý Aqjigit halyqtyq drama ujymy, Qaraqııa aýdany Munaıshy «Qara shańyraq» drama ujymy, Mańǵystaý aýdany Jarmysh halyq teatry, Mańǵystaý aýdany Ondy halyqtyq drama ujymy, Mańǵystaý aýdany Ushtaǵan halyqtyq drama ujymy, Túpqaraǵan aýdandyq mádenıet úıiniń drama ujymyna Alǵys berildi.
Sondaı-aq, baıqaý aıasynda «Úzdik ssenarıı» júldesi Mańǵystaý aýdanynyń qatysýshylary L.Sádýovaǵa, «Úzdik sýretshi» júldesi M.Esenovke, «Úzdik áıel adam róli» úshin júldesi S.Zoranǵa berilse, «Úzdik epızodtyq rol» úshin syılyǵyna G.Medı, «Úzdik epızodtyq rol» nomınasııasy A.Asqanbaev laıyqty dep tanyldy. «Úzdik kostıýmer» jáne «Úzdik rejısser» ataǵy Qaraqııa aýdanynan kelgen M.Qýantqanovaǵa, «Úzdik er adam róli» ataǵy beıneýlik Á.Kómekovke tabys etildi.
