Kezdesýdiń bas taqyryby 2019 jylǵy 15 qazanda Baký qalasynda ótetin «Shaǵyn jáne orta bıznesti damytý» taqyrybyna arnalǵan Túrki keńesi memleket basshylarynyń 7-shi mereıtoılyq otyrysy boldy. Osy jyly Nahchyvan kelisimine qol qoıýyna 10 jyl tolady.
Kezdesýde M.Tileýberdi TMYK-tyń 7-shi Sammıti barlyq múshe memleketterdiń múddelerine ókildik etetin halyqaralyq uıymnyń tarıhyndaǵy aıryqsha oqıǵa bolatynyn atap ótti.
О́z kezeginde Baǵdad Ámireev aldaǵy 7-shi Sammıtke daıyndyq jumystarynyń barysy jóninde habarlap, Túrki keńesi sheńberindegi ekonomıkalyq yntymaqtastyqty damytý jónindegi is-sharalar men josparlary týraly aıtyp ótti.
Túrki keńesi Qazaqstan Respýblıkasynyń Tuńǵysh Prezıdenti – Elbasy N.Á.Nazarbaevtyń bastamasymen qurylǵan bolatyn. Qazirgi tańda Ázerbaıjan, Qazaqstan, Qyrǵyzstan jáne Túrkııa Túrki keńesiniń múshe memleketteri. 2018 jyly Túrki keńesiniń 6-shy Sammıti barysynda Majarstan Túrki keńesi janynda baqylaýshy mártebege ıe boldy.
