Nur-Sultan qalasynyń «Rýhanı jańǵyrý» jobalyq keńsesi qala turǵyndary men qonaqtaryna arnap elordanyń kóne tarıhı-mádenı jerlerine arnaıy ekskýrsııa uıymdastyrady.
Jobanyń maqsaty elorda aýmaǵyndaǵy tarıhı jerlerdi halyqqa keńinen nasıhattap, tanymal etý. Astanalyqtar ekskýrsııa kezinde «Qazaqstannyń kıeli jerleriniń geografııasy» jobasyna engen 7 jáne basqa da tarıhı nysandardy tamashalap, olardyń tarıhymen keńirek tanysa alady.
Atap aıtqanda «ALJIR» saıası qýǵyn-súrgin jáne totalıtarızm qurbandaryn eske alý memorıaldy murajaı kesheni, Kópes Vasılıı Kýbrınniń úıi, «Kýbrın jáne uldary» kópester seriktestiginiń saýda úıi, Kópes P.S. Sılınniń turǵyn úıi, «Jasyl» meshittiń qorshaýy, Burynǵy musylman mektebi, Qalalyq basqarma ǵımaraty, Gımnazııa (HIH ǵ. aıaǵy) jáne t.b. tarıhı ǵımarattar bar.
Ekskýrsııaǵa barý úshin uıymdastyrýshylarǵa aldyn ala habarlasyp, tirkelý kerek. Tolyq aqparatty habarlamada kórsetilgen nómirler arqyly bilýge bolady.
Ekskýrsııa ár sársenbi saıyn saǵat 10.00-de bastalady. Jınalý orny Otyrar kóshesi, 1/2 meken-jaıy boıynsha ornalasqan Burynǵy musylman mektebiniń janynda.
