Aımaqtar • 02 Qazan, 2019

Temirtaýda respýblıkalyq «Juldyz-2019» estradalyq án baıqaýy ótti

420 ret

kórsetildi

1 mın

oqý úshin

Temirtaý qalasynda ótken respýblıkalyq «Juldyz-2019» estradalyq án baıqaýynda Aqmola, Almaty, Túrkistan, Qyzylorda, Shyǵys Qazaqstan, Batys Qazaqstan, Atyraý, Pavlodar, Jambyl, Qaraǵandy oblystarynan jáne Nur-Sultan, Almaty, Shymkent qalalarynan kelgen 25 oryndaýshy baq synady.

Qaırat Ábilda

Temirtaýda respýblıkalyq «Juldyz-2019» estradalyq án baıqaýy ótti

Jas ánshilerdiń ónerin Qazaqstan Respýblıkasynyń eńbek sińirgen ártisi Lıýsııa Tólesheva, Qazaqstan Respýblıkasynyń eńbek sińirgen qaıratkeri Sáken Maıǵazıev, «Mádenıet salasynyń úzdigi» tós belgisiniń ıegeri Gúlmıra Jýkýpbaeva jáne basqalar baǵalady.

Arqa tósin eki kún boıy ánge bólegen baıqaýdyń bas júldesi Túrkistan oblysynan kelgen Bahtııar Aqylbekke buıyrdy. Birinshi júldege shyǵysqazaqstandyq ánshi Álııa Ákenova laıyqty dep tanylsa, ekinshi jáne úshinshi júldelerdi, tıisinshe Almatydan kelgen Eldar Omarov pen shymkenttik Dıdar Ábdýhalyq ózara bólisti.

Respýblıkalyq «Juldyz-2019» estradalyq án baıqaýynyń jeńimpazdary men júldegerleri maqtaý qaǵazdarymen jáne estelik músinshilermen marapattaldy.