Nur-Sultandaǵy ekinshi ınklıýzıvtik alań balalardyń fızıkalyq, mentaldyq jáne áleýmettik damýyna járdemdesýge baǵyttalǵan. Alańnyń ashylýyna elorda ákiminiń orynbasary Baqtııar Máken, Esil aýdanynyń ákimi Berik Jákenov, «Rotarı-klýb Astana» qoǵamdyq birlestiginiń ókilderi jáne AQSh-tyń Qazaqstan Respýblıkasyndaǵy elshisi Ýılıam Mozer qatysty.
«Inklıýzıvti oıyn alańyn ashý qoǵam men memlekettiń erekshe qajettiligi bar balalarǵa qadam jasaýynyń kórinisi. Elordanyń barlyq turǵyndaryna arnalǵan syı jáne erekshe balalardy áleýmettik beıimdeý máselesine nazar aýdarý bolyp tabylady», - dedi astana ákiminiń orynbasary Baqtııar Máken.
Alańda oıyn men oqytýǵa arnalǵan barlyǵy 15 snarıad ortanylǵan. Barlyq átkenshekter men keshender arbamen shyǵa alatyndaı etip qurastyrylǵan. Sondaı-aq alańnyń barlyq aýmaǵyna arnaıy qaýipsizdik qabaty tóselgen, ol balalar qulap qalǵan jaǵdaıda jaraqat alýdan saqtaıdy.
