«Astana LRT» JShS-niń basqarma tóraǵasy Bekmyrza Igenberdınovtiń aıtýynsha, jańa jaıly dybyssyz avtobýstardy satyp alý elordadaǵy qoǵamdyq kólik qozǵalysynyń qozǵalys ýaqytyn azaıtyp, sonyń nátıjesinde turǵyndarǵa qajetti avtobýsty aıaldamada kóp kútý qajet bolmaıdy.
Sondaı-aq ol avtobýstar ulttyq lızıng operatory «QDB-Lızıng» AQ arqyly avtobýs parkin otandyq óndiris tehnıkasymen jańartý boıynsha memlekettik baǵdarlama aıasynda satyp alynatyny aıtty.
«Lızıng merzimi jyldyq 7% syıaqy mólsherlemesimen 7 jyldy quraıdy. Bul Qazaqstandaǵy lızıngtik mámileler úshin eń tómengi mólsherleme. Aıta keterligi, lızıngtik qarjylandyrý teńgemen júrgiziledi, bul qazirgi jaǵdaıda turaqtylyqqa kepildik beredi», - dep atap ótti Igenberdınov. Atalǵan jobany iske asyrý jergilikti bıýdjetke salyq tólemderi esebinen aqshalaı túsimderdi ulǵaıtýǵa, olardy paıdalaný kezinde de qosymsha jumys oryndaryn qurýǵa múmkindik beredi.
Sonymen qatar avtobýs parkterine dızeldik analogpen salystyrǵanda shamamen 80% - dy otyn únemdeýge kómektesedi. Elordalyq avtoparkke Yutong ZK6128BEVG elektrobýstaryn «SaryarqaAvtoProm» JShS jetkizetin bolady. Mundaı elektroavtobýstyń 1 birliginiń quny 146 712 333 teńge, bul búgingi kúngi baǵam boıynsha shamamen 388 myń AQSh dollaryn quraıdy.
Yutong avtobýstary ekologııalyǵymen, manevrligimen, jolaýshylar úshin jaılylyǵymen erekshelenedi, sondaı-aq barlyq halyqaralyq sapa jáne qaýipsizdik standarttaryna saı. 12 metrlik avtobýstar tómen edendi bolyp keledi jáne 350 km jol qory bar lıtıı-temir-polımerli batareıamen jabdyqtalǵan. Batareıanyń qyzmet etý merzimi 10 jyldy quraıdy. Batareıaǵa kepildik – 8 jyl, elektrqozǵaltqyshqa – 5 jyl.
