Oqý kýrstary 2017-2021 jyldarǵa arnalǵan «Eńbek» memlekettik nátıjeli jumyspen qamtý jáne jappaı kásipkerlikti damytý baǵdarlamasy sheńberinde júzege asyrylyp jatyr. 2019 jyly barlyǵy myńǵa jýyq adamdy qysqa merzimdi oqytý kózdelip otyr. Búgingi kúni 711 qatysýshy 18 mamandyq boıynsha 11 oqý uıymyna jiberildi. Onyń 247-si kýrsty aıaqtap, 109 -y jumysqa turdy. Sondaı-aq komıssııa 289 jańa bıznes ıdeıany júzege asyrýǵa grant berýdi quptady. Oqý kezinde qatysýshylarǵa aı saıyn 16759 teńge kóleminde shákirtaqy beriledi.
Eńbek jáne halyqty áleýmettik qorǵaý mınıstrliginiń josparyna túzetýge sáıkes, qosymsha 450 adamdy qysqa merzimdi kýrstan ótkizý kózdelgen. Qazirgi kúni toptardy jasaqtaý úshin aldyn ala tirkelý júrip jatyr. Qysqa merzimdi oqý kýrstary esepshi, slesar-santehnık, aspaz, naýbaıshy Kondıter, Web-dızaın, ákimshi, tiginshi, mektepke deıingi mekemeniń tárbıeshisi, ýqalaýshy, shashtaraz, kıber qaýipsizdik salasynyń mamany, vıdeografıka jáne anımasııa, elektrdánekerleýshi, mektepke deıingi bilim berý pedagogy, avtoelektrık, rıeltor, memlekettik satyp alý boıynsha maman, vıdeoınjener operator, mýzyka terapevt, ıneterapevt, sarapshy-baǵalaýshy, sýrdraýdarmashy jáne vızajıst mamandyqtary boıynsha júrip jatyr.
