Otyrysta О́ńirlerdi damytýdyń 2020 jylǵa deıingi memlekettik baǵdarlamasyn iske asyrýǵa bólingen qarjynyń tıimdi paıdalaný máselesi talqylandy.
Ulttyq ekonomıka mınıstrliginiń, Respýblıkalyq bıýdjettiń atqarylýyn baqylaý jónindegi esep komıtetiniń, Bas Prokýratýranyń, Sybaılas jemqorlyqqa qarsy is-qımyl agenttiginiń jáne birqatar óńir ákimderiniń baıandamalary tyńdaldy.
О́ńirlerde Memlekettik baǵdarlamany júzege asyrý barysynda turǵyn úı-kommýnaldyq sharýashylyǵy jáne aýyz sýmen qamtamasyz etý salalarynda sybaılas jemqorlyqqa qatysty joǵary táýekelder bar ekeni anyqtaldy.
Atap aıtqanda, prokýratýra organdary elimizdiń alty óńiri boıynsha qarjy jymqyrý jáne maqsatsyz jumsaý faktileri boıynsha jalpy somasy 5,3 mlrd teńgeni quraıtyn memlekettik qarajattyń ysyrap bolǵanyn anyqtaǵan, odan memleketke 730 mln teńge kóleminde zardap kelgen. Osy faktiler boıynsha 7 sotqa deıingi tergeý jumystary bastalyp, 267 mln teńge qaıtarylǵan.
Sybaılas jemqorlyqqa qarsy is-qımyl agenttigi 2017 jyldan bastap sybaılas jemqorlyq boıynsha 145 qylmysty anyqtady, qylmys jasaǵany úshin 78 adam qylmystyq jaýapkershilikke tartylyp, 59-y sottaldy. Memleketke keltirgen 931,9 mln teńge zardap somasynyń 907,6 mln teńgesi qaıtaryldy.
Baǵdarlamany iske asyrý kezeńi boıynsha Qarjy mınıstrligine qarasty Qarjy monıtorıngi komıteti Ekonomıkalyq tergeý qyzmetiniń óndirisinde 33 qylmystyq is qaralǵan.
Qarjy mınıstrliginiń Ishki memlekettik aýdıt komıteti 10 laýazymdy tulǵany quqyq buzýshylyq boıynsha ákimshilik jaýapkershilikke, 22 tulǵany tártiptik jaýapkershilikke tartty. Prosesstik sheshim qabyldaý maqsatynda quqyq qorǵaý organdaryna jalpy somasy 5,7 mlrd teńgeni quraıtyn 24 is jiberildi.
2019 jyly kameralyq baqylaý jalpy somasy 42,8 mlrd teńgeni quraıtyn memlekettik satyp alýdyń 45 prosedýrasyn qamtyp, jalpy somasy 39,1 mlrd teńgeni quraıtyn 42 prosedýra boıynsha memlekettik satyp alý zańdylyǵyn buzý jaǵdaılary anyqtalǵan.
Komıssııa otyrysynyń qorytyndysy boıynsha Memlekettik hatshy quqyq buzýshylyqqa jol bergen sebepterdi joıýǵa jáne olardyń aldyn alýǵa baǵyttalǵan naqty sharalardy qabyldaýdy tapsyrdy. Memleketke tıgizgen zardapty óteý máselesine de erekshe nazar aýdardy.
Sonymen qatar Komıssııa Memlekettik baǵdarlamany ary qaraı iske asyrý úshin jáne Memleket basshysynyń tapsyrmalaryn oryndaý barysynda sybaılas jemqorlyq kórinisteriniń aldyn alýǵa baǵyttalǵan naqty usynystar daıyndap, tıisti memlekettik organdarǵa jiberdi.
