Almaty qalasyndaǵy «Astana» alańynda oblystyń aýyl sharýashylyǵy taýar óndirýshileriniń jármeńkesi ótti. Bul keńeıtilgen jármeńkege 17 aýdan men Tekeli, Qapshaǵaı qalalarynan jáne «Jetisý» ÁKK turaqtandyrý qorynan jalpy salmaǵy 210,7 tonna bolatyn 53 túrli ónim aparyldy dep habarlaıdy Almaty oblysy ákiminiń baspasóz qyzmeti.
Olardyń ishinde 32,6 tonna et, 10,7 tonna sút jáne 10,3 tonna balyq ónimderi, sol sııaqty 67,3 tonna kókónis, 21,6 tonna jemis-jıdek, 41,1 tonna kartop jáne basqa da ónimder bar.
Osy kúni árbir aýdan, qala agrarlary «Astana» alańy aýmaǵynda qurylǵan 120 shatyrda sap túzep, ózderiniń azyq-túlik taýarlaryn naryqtaǵydan tómen baǵada usyndy. Almatylyqtarǵa jalpy kólemi 114,8 mln. teńgeniń ónimi saýdalandy.
Jármeńkeni Almaty oblysy ákiminiń orynbasary Serikjan Beskempirov pen Almaty qalasy ákiminiń orynbasary Saparbek Tuıaqbaev aralap kórdi. Jármeńkedegi azyq-túliktiń assortıment túrlerin, baǵa baǵamyn kórip, taýar usynýshylarmen jáne satyp alýshylarmen tildesti.
Oblystyń óner ujymdary jármeńkeni án-kúımen árlep, ajaryn kirgizdi.
Jalpy mundaı jármeńkelerdi azyq-túlik qaýipsizdigin qamtamasyz etý jáne baǵany yryqtandyrý baǵytynda turaqty ótkizý dástúrge aınalǵan.
