Qarjy salýǵa múddeli kásiporyndar kóbeıip keledi

GG Group álemdik naryqta ózin dáleldegen korporasııa. Atalǵan korporasııa aýylsharýashylyq ónimderin óńdeý, qonaqúı jáne meıramhana bıznesi, sondaı-aq oıyn-saýyq ortalyqtaryn salý, qyzmet kórsetý salasynda beldi orynǵa ıe.

Kezdesý barysynda qos tarap aýylsharýashylyq ónimderin óńdeý máselesine toqtaldy. «Shymkent qalasy geografııalyq jáne ekonomıkalyq turǵydan aýylsharýashylyq ónim­derin óńdeýde óte qolaıly jerde or­nalasqan. Klımaty da yń­ǵaıly. Qalamyzda álemdik stan­dart­qa saı zamanaýı úlgidegi saýda-logıstıka ortalyǵy salynyp jatqanyn eskersek, keleshekte GG Group korporasııasymen tyǵyz jumys isteý barshamyzǵa tıimdi. Sebebi aýylsharýashylyq ónimderin óńdep eksporttaý qos tarapqa da paıdaly ekeni sózsiz», dedi Erlan Qýanyshuly.

Sonymen qatar qala ákimi shetel­dik ınvestorlarmen qonaq­úı bıznesi jaıynda da sóz qoz­ǵady. Qonaqúı bıznesi álem­dik ekonomıkada basty róldiń birin atqaratynyn alǵa tartqan shahar basshysy korporasııa bas­shylyǵyna bul salada da qoıan-qoltyq jumys isteýge shaqyr­d­y. Shymkentten álemdik stan­dart­tarǵa saı qonaqúı salýǵa sha­qyr­ǵan qala ákimi bul úshin Shymkent City aýmaǵynan jer berýge daıyn ekenin aıtty.

Nepaldyq mıllıardermen bolǵan kezdesýde taraptar buǵan deıin ótkizilgen kelissózder ne­gizinde qalada josparlap otyr­ǵan Happy land otbasylyq oıyn-saýyq kesheniniń iske asyrylý barysyn talqylady. Erlan Qýanysh­uly jergilikti bılik tarapynan barlyq tıisti jumystardyń júrgizilgenin aıtyp, ınvestorlardan jobany bastaýǵa shaqyrdy.

Bul joba Shymkenttegi tý­rızm­niń damýyna úlken úles qo­sa­­tynyn aıtqan qala ákimi jo­ba­ny júzege asyrý boıynsha mem­leket tarapy­nan da qoldaý kórsetiletinin atap ótti.

 Shymkent