Prezıdent • 08 Qazan, 2019

Qasym-Jomart Toqaev Ýrsýla fon der Lıaıenge quttyqtaý jedelhatyn joldady

39 ret kórsetildi

Memleket basshysy Eýropalyq Komıssııanyń saılanǵan Prezıdenti Ýrsýla fon der Lıaıendi týǵan kúnimen quttyqtap, jedelhat joldady. Bul týraly Aqordanyń baspasóz qyzmeti habarlady. 

Jedelhatta Eýropalyq Odaq Ýrsýla fon der Lıaıenniń basshylyǵymen óziniń irgetasyn nyǵaıtyp, halyqtyń ál-aýqatyn arttyryp, halyqaralyq arenadaǵy mereıin arttyrý jolynda bıik belesterdi baǵyndyryp, ıgi maqsat-murattarǵa jete berýine tilektestigin bildirgen.

«Qazirgi tańda óńirdiń turaqty ilgerileýi men órkendeýi úshin Keńeıtilgen seriktestik pen yntymaqtastyq týraly kelisim jáne EO-nyń Ortalyq Azııa boıynsha jańa strategııasy neǵurlym berik baılanystardyń jańa dáýirine jol ashýda. Aldaǵy jyldary Qazaqstan men Eýropalyq Odaq arasynda dostyq negizinde qalyptasqan jemisti qatynastardyń odan ári damı túsetinine kámil senemin» dep jazdy Qazaqstan Prezıdenti.

Qasym-Jomart Toqaev Eýrokomıssııanyń saılanǵan Prezıdentine mol tabys pen sáttilik tiledi. 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar