TOP-100 tizimin Shymkent qalasynyń turǵyny bastap otyr. Murat Matıevtiń kóligine salynatyn salyq (BSK 104402) boıynsha memleketke 7,5 mln teńgege jýyq bereshegi bar.
Nur-Sultan qalasyndaǵy Oljas Iýsýpov múlik salyǵy (BSK 104102) boıynsha 2,5 mln teńge qaryz jınap úlgergen.
Jer salyǵy boıynsha (BSK 104302) 4 mln teńge qaryzy bar azamatsha da elordada turady. Janna Aýbakırovanyń salyq boıynsha negizgi qaryzy 1,5 mln teńgeni qurap otyr. Qalǵan 2,35 mln teńge – eseptelgen ósimpul.
Múlik, jer, kólik salyǵy boıynsha bereshegi bar azamattardyń jalpy tizimin myna silteme boıynsha kórýge bolady.
Aıta keteıik, memlekettik kirister organdary salyq boıynsha bereshegi bar azamattar tizimin jarııalaý úrdisin aldaǵy ýaqytta da jalǵastyrýdy kózdep otyr.
Qazirgi ýaqytta Qazaqstanda salyqtyq raqymshylyq júrip jatyr. Aǵymdaǵy jyldyń 31 jeltoqsanyna deıin (qosa alǵanda) negizgi borysh somasyn tólegen azamattardyń ósimpuly esepten shyǵarylatyn bolady.
Salyq tóleýshiler boryshtarynyń bar-joǵyn Memlekettik kirister komıtetiniń saıtynda silteme boıynsha teksere alady.
