Kezdesýdi Elbasy kitaphanasynyń dırektory Ámirhan Rahymjanov Qazaqstan Respýblıkasynyń Tuńǵysh Prezıdenti – Elbasy kitaphanasy qyzmetimen qonaqtardy tanystyrdy.
- Elbasy kitaphanasy qyzmetiniń mańyzdy baǵyttarynyń biri ekskýrsııalyq qyzmet. Ol Kitaphana qyzmetkerleriniń aýqymdy ǵylymı-zertteý, izdenis, shyǵarmashylyq jáne uıymdastyrýshylyq jumysynyń qorytyndysyn kórneki sıpattaıdy. Sholý, taqyryptyq jáne kóshpeli ekskýrsııalardy júzege asyrýdy qamtıtyn kópjylǵy tájirıbe kelýshilerdi tartý úshin jańa baǵdarlamalardy qurýdyń ózektiligin kórsetti, - dep atap ótti Á.Rahymjanov.
Elbasy kitaphanasy dırektorynyń orynbasary Kúláısha Aqtaeva kezdesý qatysýshylaryna Elbasy kitaphanasynyń jańa ekskýrsııalyq jobalary men baǵdarlamalary, onyń ishinde tartymdy kvestter, mýzeılik balalar merekeleri, «Otbasymyzben birge mýzeıge», «Ujymymyzben birge mýzeıge» jobalary jáne basqalary týraly aıtyp berdi.
- Elbasy kitaphanasy aǵymdaǵy jyldyń shilde aıynan bastap jańa ekskýrsııalyq baǵdarlamalardy aprobasııalap, iske qosty. Osylardyń kómegimen Tuńǵysh Prezıdenttiń buryńǵy rezıdensııasy men Nazarbaev ortalyǵynan turatyn Elbasy kitaphanasynyń ishki mazmunynyń tartymdylyǵyn kórsetkimiz keledi. Biz joǵaryda atalǵan eki ǵımaratty týrıstik baǵdardyń dástúrli syzbasy men elordanyń kórneki jerleri kartasyna biriktirýmen qatar qoǵamnyń áleýmettik mádenı ınstıtýty retinde mýzeılik keńistiktiń rólin de jetildirgimiz keledi. 40-mınýttyq sholý ekskýrsııasy ne úsh saǵattyq aýqymdy ekskýrsııa arqyly bizdiń ekspozısııalarmen tolyqtaı tanysyp úlgerý múmkin emes. Osyǵan baılanysty, Kitaphana ekspozısııalarynda usynylǵan materıaldyń sapasy men kólemin kelýshilerimiz baǵalaı alýy úshin jańa jaǵdaılar jasadyq: olar - taqyryptyq ekskýrsııalar, ujymdar men januıalar úshin arnaıy mýzeılik baǵdarlamalar, túrli jastaǵy oqýshylar úshin kvestter, - dedi K.Aqtaeva.
Tusaýkeser barysynda ishki jáne kirmelik týrızmdi damytý, sondaı-aq bilim berý men tárbıelik úderiste mýzeılik tehnologııalardy qoldaný týraly pikir almasý boldy, odan ári yntymaqtastyq pen seriktestikti damytý máseleleri de talqylandy.
- Otandastarymyz ben sheteldik qonaqtardyń Qazaqstan men elordamyzdy jaqynyraq bilý maqsatynda ótkiziletin is-sharalar biz úshin asa mańyzdy. Týrıster kóbinese qala men elimizdi biz arqyly tanıdy. Árıne, Elbasy kitaphanasy syndy ujym usynǵan jańa ekskýrsııalyq baǵdarlamalar bizge asa qajet, ári qyzyqty. Bul baǵdarlamalar kelýshilerdiń kóbeıýine, Qazaqstan tarıhy men mádenıetin nasıhattaýǵa, jalpy elorda men elimizdiń ımıdjiniń damýyna múmkindik beredi dep oılaımyn, - dedi óz oıymen bólisken kezdesýge qatysýshy, qalalyq ekskýrsııa jetekshileriniń biri Elena Kýlakova.
Is-shara barysynda qonaqtar tyń ekspozısııalar jáne kórmelermen tanysyp, taqyryptyq ekskýrsııalar men ekskýrsııalyq kvestterge qatysty.
