Kezdesý barysynda Qazaqstannyń Tuńǵysh Prezıdentine Ulttyq ǵylym akademııasynyń qazirgi qyzmeti men ǵylym salasyndaǵy halyqaralyq yntymaqtastyqty damytý boıynsha qabyldanyp jatqan sharalar týraly málimet berildi.
– Biz halyqaralyq alıanstarǵa kirý baǵytynda jumys istep jatyrmyz. Jas ǵalymdarymyz seriktes elderde tájirıbeden ótýge múmkindik alatyn kelisimder jasalýda, dedi M.Jurynov.
Sonymen qatar, Nursultan Nazarbaevqa «Beldeý jáne jol» halyqaralyq ǵylymı uıymdary alıansy aıasyndaǵy QR Ulttyq ǵylym akademııasynyń qyzmeti týraly aqparat usynyldy.
– Byltyr Beıjińde álemniń 47 jetekshi eliniń akademııalary kiretin ǵylymı uıymdardyń eń iri alıansy quryldy. Biz de osy birlestiktiń bir bóligine aınaldyq. Osylaısha, ǵalymdarymyz túrli baǵyttarda iri jobalarmen jumys isteýge qosymsha múmkindik aldy, dedi M.Jurynov.
