Taraptar eki jaqty yntymaqtastyqtyń aýqymdy máselelerin talqylady, sondaı aq, aımaqtyq jáne halyqaralyq kún tártibindegi ózekti máselelerge qatysty pikir almasty.
Memleket basshysy Sergeı Lavrovtyń Qazaqstan astanasyna resmı saparmen kelýi eki jaqty qarym-qatynastarǵa qosymsha serpin beretinin atap ótti. Sonymen qatar Prezıdent Sochıdegi Valdaı forýmynan alǵan áserimen bólisip, jıynnyń joǵary deńgeıde ótkenin aıtty.
– Bizdiń elderimizdiń arasynda eshqandaı kúrdeli másele joq. Qazaqstan men Reseı sııaqty áriptester úshin solaı bolýy da zańdylyq. Biz odaqtastyǵymyzdy bekitip jáne damytýǵa nıetti strategııalyq áriptestermiz, – dedi Qasym-Jomart Toqaev.
Sergeı Lavrov Memleket basshysyna Qazaqstan-Reseı arasyndaǵy joǵary deńgeıde qol jetkizilgen kelisimderdiń júzege asyrylyp jatqany týraly málimet berdi. Sonymen qatar ol eki eldiń syrtqy ister mınıstrleri kelissózderiniń qorytyndysy týraly aıtty.
– Bizdiń paıymdaýymyzsha, baılanystarymyzdyń damýy jaqsy. Qarym-qatynastarymyzdyń damýyna joǵary deńgeıde berilgen serpin, biz úshin barlyq baǵyttaǵy ózara is-qımyldarymyzǵa baǵdar bolýy tıis, – dedi reseılik dıplomat.
