Aspazshy kúnine arnalǵan festıval óz alańynda Qazaqstan, Reseı men Qyrǵyzstannan 50 qatysýshyny jınady. Úzdik maman ataǵy úshin kásibı aspazdar men kolledj stýdentteri-aspazshylar baq synap jatyr.
Bıyl baǵdarlamaǵa uıymdastyrýshylar mektep oqýshylary men stýdentterge arnap tamaq ázirleý týraly tapsyrmany engizdi.
ASTAUfest-2019 gastronomııalyq festıvali «Taǵamtanýdy uıymdastyrý» mamandyǵyn nasıhattap, mártebesin kóterýge, maman daıarlaý men olardyń básekege qabilettiligin arttyrýǵa arnalǵan. Festıval barysynda sheteldik seriktester sheberlik saǵattaryn ótkizip, oqý oryndarymen birlesken ınnovasııalyq jobalardyń iske asyrylý barysyn aıtyp beredi.
Jarys sońynda «Art-klass», «Shef-kondıter», «Stýdencheskıı obed», «Shef-povar», «Servıs klass» atalymdary boıynsha úzdik mamandar syılyqqa ıe bolady.
