Jıynda Elbasynyń turǵyndarmen keri baılanysty nyǵaıtý, azamattardyń talap-tilekterin jeke-jeke qaraýǵa qatysty 2019 jyldyń 21 tamyzda ótken partııanyń Saıası keńesiniń keńeıtilgen májilisinde bergen tapsyrmalaryn, sondaı-aq, Prezıdenttiń «Halyq únine qulaq asatyn memleket» konsepsııasynyń sheńberinde aıqyndalǵan baǵyttardy júzege asyrý máseleleri qaralady.
Bul máseleler boıynsha Aımaqtyq jáne aýmaqtyq partııalyq baqylaý komıssııalary qyrkúıek aıynda jumys júrgizdi. Sonyń nátıjesinde partııa músheleriniń azamattardyń ótinishterin qaraýyna qatysty atqarylǵan oń isterdiń, sonymen qatar, olqylyqtar men kemshilikter, parıtııanyń jekelegen músheleriniń onyń ishinde jergilikti atqarýshy organ basshylarynyń, máslıhat depýtattarynyń QR zańdary men Partııalyq ádep kodeksin buzǵan jaǵdaılarǵa qatysty aýqymdy málimet jınaldy.
Komıtet otyrsynda ortalyq jáne aımaqtardaǵy partııalyqtardyń jumysyndaǵy barlyq kemshilikter men olqylyqtarǵa partııalyq baǵa beriledi. Onyń ishinde partııanyń qoǵamdyq qabyldaý bólmelerinde azamattardy qabyldaýǵa formaldy túrde qaraý, máslıhat depýtattary men memlekettik organdardyń laýazymdy tulǵalarynyń belgilengen qabyldaýǵa kelmegen (máselen, Qyzylorda oblysynda) óreskel faktilerine qatysty másele qaralady.
Sonymen qatar Partııalyq baqylaý komıteti jergilikti atqarýshy jáne memlekettik organdardyń basshylary bolyp tabylatyn partııa múshelerine azamattardyń ótinishterin qaraý jáne olarmen qarym-qatynas jasaý kezinde Jarǵynyń, partııanyń Ádep kodeksin jáne jalpy qabyldanǵan moraldyq-etıkalyq talaptardy buzǵany úshin aıyppul salýdy usynady.
Sondaı-aq jıynǵa qatysýshylar azamattardyń óz ótinishterinde jáne partııanyń qoǵamdyq qabyldaý bólmelerinde ótken qabyldaýlar kezinde kótergen máselelerdi qaraýda nemquraılylyqqa jol bermeý úshin usynystar ázirlenedi. Partııanyń birqatar normatıvtik-quqtyq aktii men ishki retteýshi qujattaryna túzetýler engizý boıynsha usynystar daıyndalýda.
Qaralyp jatqan másele qatysty keri baılanysty qamtamasyz etip, usynystar, ótinishter men talap-tilekter bildirý úshin partııanyń Respýblıkalyq qoǵamdyq qabyldaý bólmesinde senim telefony jumys isteıdi: 8-800-080-44-41.
