Fotosýretti túsirgen Rafhat HALELOV
Forýmǵa «Memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵy» qoǵamdyq birlestiginiń tóraǵasy Mırbolat Jaqypov, osy birlestiktiń Aqtóbe oblystyq fılıaly jetekshisi Mýtarıta Saǵyndyqova, Atyraý oblystyq fılıalynyń tóraǵasy Shyńǵys Ábilov, Mańǵystaý oblystyq fılıalynyń tóraıymy Dına Adaeva, «Batys Qazaqstan oblysynyń Kásipodaqtar Ortalyǵy» aýmaqtyq kásipodaqtar birlestiginiń tóraıymy Aıgúl Esekenova, Qazaqstan Respýblıkasy Memlekettik qyzmet isteri agenttiginiń BQO boıynsha departamentiniń basshysy Ǵalym Tursynbaev, Qazaqstan Respýblıkasy Prezıdenti janyndaǵy memlekettik basqarý akademııasy BQO fılıalynyń dırektory Janbolat Daýharın, oblystyq kásipodaq uıymynyń prezıdıým músheleri, aýdandyq jáne bastaýysh kásipodaq uıymynyń tóraǵalary jáne tóraıymdary, kásipodaq músheleri qatysty.
О́zekti máselelerdi áleýmettik áriptestik sheńberinde sheshý, kásipodaq mindetteri men maqsattaryn júıeleý, kásipodaq músheleriniń quqyǵyn qorǵaý, qoldaý, júıeli oqytý, eńbekti qorǵaýda qoǵamdyq baqylaý júrgizý júıesin jetilderý maqsatynda ótken forýmda ár aımaqtan kelgen meımandar baıandama jasap, tájirıbelerimen bólisti.
Forým sońynda «Memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵy» qoǵamdyq birlestiginiń tóraǵasy Mırbolat Habıuly kásipodaq qozǵalysyna jáne áleýmettik áriptestikti damytýǵa belsendi qatysqan bir top kásipodaq múshelerin marapattady. Birqatar úzdikter «Memlekettik qyzmetkerler kásipodaǵynyń úzdigi» tósbelgisine ıe boldy.
Forýmǵa qatysýshylar úzilisten soń, Qazaqstan Respýblıkasy Prezıdenti janyndaǵy memlekettik basqarý akademııasy BQO boıynsha fılıalynyń mamany Laýla Narýshevanyń trenıngine qatysty.
