Balalardyń tulǵalyq jáne áleýmettik beıimdelýin júzege asyrýdy maqsat etken festıvaldy Nur-Sultan qalasy ákimdiginiń Bilim berýdi jańǵyrtý ortalyǵy men №10 mektep-gımnazııasy uıymdastyryp otyr.
Festıvaldyń alǵashqy kúni balalar mádenıet pen tarıhtyń oshaǵy sanalatyn qalanyń mádenı oryndaryn aralasa, ekinshi kún sporttyq saýyqtyrý sharalarymen jalǵasty. Ulttyq mýzeıde arnaıy ekskýrsııadan keıin «Ulttyq oıý-órnek óneri» jáne «Kıiz basý» atty sheberlik saǵattary ótti. Kishi ǵylymı qyzmetkerler Zýhra Baıanova, Kenjegúl Seıitjanova syndy bilikti mamandar balalarǵa halqymyzdyń qolóner qazynasy – kıiz týraly baıandap, kıiz basýdyń jańa tehnologııasymen tanystyryp, júndi kıiz basý tehnıkasynda pannony ózdigimen daıyndaýdy úıretti.
Mýzeı men bilim berý mekemeleriniń yqpaldastyǵyna baǵyttalǵan bilimniń gýmanıtarly jańarýy baǵytynda aýqymdy jobalardy birneshe jyldan beri usynyp kele jatqan Ulttyq mýzeıdiń pedagogıka jáne balalar shyǵarmashylyǵy bóliminiń jetekshisi Gaýhar Sadybaı «Kóshpelilerdiń ǵalamat óner tabysy – qazaqtyń kıiz úıi arqyly oqýshylarǵa kóp nárseni jetkizýge árekettendik. Qasıetti shańyraqtyń erekshelikteri arqyly tarıhqa, mádenıetke degen qurmet sezimin qalyptastyrýǵa tyrystyq», deıdi.
Al Ázerbaıjannan kelgen pedagog Afet Ashýmova – zaǵıp jáne nashar kóretin oqýshylardy oqytý salasynda 42 jyldyq tájirıbesi bar bedeldi ustaz. Búgingi festıvalǵa ózi ustazdyq etetin mekteptiń birneshe oqýshysyn ala kelipti. Kópti kórgen maman oqýshynyń bilim alýyn jalǵastyrýǵa jáne qoǵamnyń tolyqqandy ómirine aralasý úshin qajetti jalpy bilim berýdiń irgetasynyń myqty bolǵanyn durys dep biledi. О́ıtkeni bul joldan ózi de ótkendikten bolar, múmkindigi shekteýli oqýshynyń damý erekshelikterin zertteý, bilim berý prosesine qosýdyń tıimdi túrin tańdaýdy bir kisideı túsinedi.
– Men kórmeıtin jáne nashar kóretin balalardy oqytatyn mektepte jumys isteımin. О́zim de osy mekteptiń túlegimin. Kózimniń kórmeýi ómirde, qyzmette kóptegen belesti baǵyndyrýyma kedergi bolǵan joq. Sondyqtan balalardy da optımıstik rýhta tárbıeleýge, qıyndyqtardan qaımyqpaýǵa shaqyramyn. Kez kelgen kedergilerdi jeńip shyǵýdy, arman-maqsatqa jetýdi úıretkimiz keledi, – deıdi Afet hanym.
Mundaı halyqaralyq jıyndar álemdik qoǵamdastyqta sapaly bilimge teń qoljetimdilikti júzege asyrýdyń tıimdi mehanızmderiniń biri retinde tanylǵan ınklıýzıvti bilim berý júıesin jandandyrýda asa mańyzdy. Tehnıkalyq jáne kásiptik bilim berý júıesiniń jańa formasııa muǵalimi Sáýle Saǵymbaevanyń aıtýynsha, ınklıýzıvti bilim berýge qoldaý kórsetip otyrǵan basqa resýrstyq ortalyqtarmen baılanys ornatý men seriktestik bilim berýdi damytýdyń tıimdi joldaryn iske asyrýǵa múmkindik beredi.
– Inklıýzıvti bilim berý ortalyqtarynyń múmkindigin keńeıtýde dál búgingideı jıyndar óte qajet. Mundaǵy túpkilikti maqsat – kózi nashar kóretin jáne zaǵıp balalardy áleýmettendirý jáne ózin ózi iske asyrýy, tez ózgeretin álemde ómir súrýge úıretý. 2015 jyly astanadaǵy №10 mektep-gımnazııasynda kózi nashar kóretin jáne zaǵıp balalarǵa arnalyp synyptar ashyldy. Qazir 170-ten astam oqýshy bilim alyp jatyr, – dedi jıynnyń uıymdastyrýshysy, pedagog Sáýle Saǵymbaeva.
Keıingi jyldary ázirlengen quqyqtyq normatıvter, qoǵamda júrgizilgen belsendi aǵartý jumystary ınklıýzıvti bilim berýdiń qazaqstandyq tájirıbesiniń damýyna jan-jaqty yqpal etkeni ras. Degenmen mamandar atalǵan bilim berý tájirıbesin keńinen taratý qarqyndy ǵylymı ádistemelik, kadrlyq jáne materıaldyq-tehnıkalyq qoldaýdy qajet etetindigi áli de eskeretin jaıt ekenin aıtady.
