Kezdesýge qala ákimi Erlan Aıtahanov, densaýlyq saqtaý mınıstri Eljan Birtanov, bilim jáne ǵylym mınıstri Ashat Aımaǵambetov, eńbek jáne halyqty áleýmettik qorǵaý mınıstri Birjan Nurymbetov, mádenıet jáne sport vıse-mınıstri О́rken Bısaqaev, aqparat jáne qoǵamdyq damý vıse-mınıstri Danııar Esın qatysty.
Vıse-premer shymkenttikterge Prezıdenttiń Qazaqstan halqyna arnaǵan Joldaýynda aıtqan basym mindetterdiń oryndalýy týraly aıtyp berdi. Berdibek Saparbaev óz sózinde bilim berý, densaýlyq saqtaý, áleýmettik qoldaý jáne ózge de baǵyttarǵa toqtaldy.
Ol el basshylyǵy memlekettiń áleýmettik mindettemelerin oryndaýǵa jáne áleýmettik salany damytýǵa erekshe nazar aýdaratynyn atap ótti. Buǵan respýblıkalyq bıýdjettiń 45%-ǵa jýyǵynyń áleýmettik salaǵa baǵyttalǵandyǵy dálel. Alaıda, qoldaý masyldyq pıǵyldyń órshýine soqtyrmaýy kerek. Memlekettik kómek tek muqtaj azamattarǵa kórsetilýi kerek. Osyǵan baılanysty Úkimet zańnamaǵa tıisti ózgerister engizýdi josparlap otyr.
«Qoǵamdyq kelisim bolǵan kezde oń nátıje de, ál-aýqat pen órkendeý de bolady. Prezıdent Qasym-Jomart Toqaev buǵan erekshe kóńil bóledi. Bul memleket pen qoǵam arasyndaǵy dıalogqa qatysty. Bul jerde úkimettik emes uıymdardyń áleýetin paıdalaný kerek. Úkimet eki tujyrymdama ázirlep jatyr: biri — «Halyq únine qulaq asatyn memleket» jáne 2025 jylǵa deıingi azamattyq qoǵamdy damytý. Bul qujattar jyldyń sońyna deıin daıyn bolýy kerek. Bul qujattarda ashyq úkimet jáne halyqpen tıimdi keri baılanys máseleleri qarastyrylady. Azamattardyń birde-bir ótinishi, birde-bir shaǵymy jaýapsyz qalmaýy kerek», — dep atap ótti Berdibek Saparbaev.
Vıse-premer qoǵamdyq keńesterdiń qyzmetin kúsheıtý qajettigin atap ótti. Formalızmdi boldyrmaý úshin olardyń jumysyn jaqsartý kerek, dep esepteıdi ol.
Sonymen birge, Parlament qaraýynda «Pedagog mártebesi týraly» zań jobasy jatyr, ol kásibı quqyqtardy keńeıtý, júktemeni azaıtý jáne muǵalimderdiń mártebesin kóterýdi qarastyrady.
Berdibek Saparbaev áleýmettik qorǵaý, daryndy balalardy qoldaý, jumyspen qamtý, mádenıet pen sportty damytý týraly aıtty.
Shymkenttikter vıse-premer men mınıstrlerge óz suraqtaryn qoıa aldy, qalaýlary men usynystaryn jetkizdi. Atap aıtsaq, olar jemqorlyqpen kúresti kúsheıtý, bilim berý sapasyn arttyrý, halyqtyń áleýmettik álsiz toptaryn qoldaý, áleýmettik qamsyzdandyrý jáne basqa da máselelerdi qozǵady. Barlyq suraqtarǵa jaýap berildi. Qosymsha pysyqtaýdy qajet etetin máseleler boıynsha vıse-premer zańnamaǵa sáıkes múmkindiginshe qysqa ýaqyt ishinde jaýap berýdi tapsyrdy.
Megapolıstiń jas belsendilermen, ǵalymdarymen, kásipkerlerimen jáne sportshylarymen kezdesý kezinde B. Saparbaev jastardyń suraqtaryna jaýap berdi. Kezdesýge, sondaı-aq, qala ákimi Erlan Aıtahanov jáne aqparat jáne qoǵamdyq damý vıse-mınıstri Danııar Esın qatysty.
Stýdentter bilim berýdi, sportty damytý, jastardy qoldaý jónindegi memlekettik saıasatty iske asyrý máselelerine qyzyǵýshylyq tanytty.
«Básekelestik barlyq jerde bolýy kerek, ásirese stýdentter arasynda. 2019 jyl ‒ Jastar jyly. Ol birtindep Eriktiler jylyna aınalady. Men óńirlerge jıi baramyn, jastarmen kezdesemin. Kóptegen órshil jáne maqsatty adamdardy kóremin. Sizderde barlyq múmkindikter bar. Eń bastysy ‒ jaqsy bilim alý múmkindigi bar. Endi JOO-lardyń reıtıngi túlekterdi jumysqa ornalastyrý jáne olardyń naryqtaǵy suranysy boıynsha jasalady», — dep atap ótti B. Saparbaev.
Kezdesý aıasynda QR aqparat jáne qoǵamdyq damý vıse-mınıstri Danııar Esın jastar saıasatyn júzege asyrý týraly aıtty. Onyń aıtýynsha, elimizdiń barlyq aımaqtarynda kómek kórsetýge baǵyttalǵan 200-den astam resýrstyq ortalyq, sondaı-aq jastar saıasaty salasynda 500-den astam úkimettik emes uıym bar. Sonymen qatar, jas urpaqty yntalandyrýǵa jáne qoldaýǵa baǵyttalǵan, Jastar jyly aıasynda qabyldanǵan Jol kartasy sátti júzege asyrylýda.
«Jol kartasy 5 negizgi baǵyttan turady ‒ bul jumys isteıtin jastardy turǵyn úımen qamtamasyz etý, jastardy jumyspen qamtý, bilim berý men volonterlikti damytý, jastardyń áleýmettik belsendiligin damytý, jas otbasylardy qoldaýǵa, densaýlyqty nyǵaıtýǵa jáne áleýmettik ınklıýzıvtilikti qoldaýǵa baǵyttalǵan sharalar kesheni. Máselen, Shymkentte jýyrda jumys isteıtin jastarǵa jaldamaly baspana berý máselesi bastalady. 900 páter berý josparda bar», — dedi Danııar Esın.
О́z kezeginde, vıse-premer jastarǵa masyldyq kóńil-kúıdi joıýǵa jáne jańa sıfrlyq tehnologııalardy ıgerýge, bilim men eńbekqorlyqqa umtylýǵa keńes berdi.
«Jastarǵa memlekettik granttar bólinýde. Qazir jumys isteıtin jáne damıtyn ýaqyt. Onyń ústine memleket teńdessiz múmkindikter jasap jatyr. Jyl saıyn úsh megapolıstiń jas mamandaryna myńdaǵan jaldamaly páterler berilip, jańa jumys oryndary ashylady», — dedi QR Premer-Mınıstriniń orynbasary.
M. Áýezov atyndaǵy OQMÝ magıstranty Sáken Saǵyndym jastar máslıhattarynyń damý perspektıvalary týraly surady.
«Bılikke jastardy kóbirek tartýymyz kerek. Muny, eń aldymen, jergilikti atqarýshy organdar qolǵa alýy kerek. Mundaı máslıhattar keıbir qalalarda, sonyń ishinde Shymkentte de qurylǵan. Olardyń jumysy tek kúsheıe túsedi. Qazir memlekettik qyzmette jas, bilimdi adamdar az emes, bul qýantarlyq jaǵdaı», — dedi vıse-premer.
Kezdesýge qatysýshylar jas kásipkerlerdi, olardyń startaptary men bastamalaryn qoldaý týraly usynystaryn jetkizdi. Solardyń biri — vorkaýt-qozǵalysyn damytý. Qazir Shymkentte osyndaı jeti sport alańy bar.
«Sport alańdarynyń sanyn kóbeıtý kerek», — dedi B. Saparbaev.
«Bolashaq» baǵdarlamasy stıpendıattary qaýymdastyǵynyń Shymkent fılıalynyń jetekshisi Erasyl Tólebaev «Shymkent ‒ adaldyq alańy» jobalyq keńsesiniń jumysy týraly aıtyp berdi.
«Bizdiń jobalarymyz eldegi ozyq jobalar bolyp sanalady. Jaqynda, máselen, bizdiń bastamamyz boıynsha keıbir mektepter men emhanalardyń birinshi basshylary birinshi qabattarǵa kóshti. Bul sybaılas jemqorlyqty joıý jáne laýazymdy tulǵalardyń jumysyn barynsha aıqyn etý úshin jasalady», — dedi ol.
B. Saparbaev atap ótkendeı, sybaılas jemqorlyqqa qarsy úgit-nasıhat qana emes, sonymen birge bıýdjettik uıymdar qyzmetkerleriniń jalaqysyn kóterý de paraqorlyqty joıýǵa baǵyttalǵan. Spıkerdiń aıtýynsha, bul úshin aldaǵy eki jylǵa qarajat qarastyrylǵan.
Jas shymkenttiktermen áńgime ashyq, kreatıvti, eń bastysy, syndarly túrde órbidi. Stýdentter elordadan kelgen qurmetti qonaq pen tájirıbeli jetekshiniń iskerlik keńesterin muqııat tyńdap, olardy ózderine túrtip aldy.
Olardyń vıse-premermen áńgimelesýden alǵan basty sabaǵy — bilimge umtylý, arandatýshylyqqa boı aldyrmaý, bıznes negizderin úırený jáne ıdeıalardy shyndyqqa aınaldyrý. Qazir sondaı áreketterdiń ýaqyty keldi!
Sonymen qatar, Berdibek Saparbaev azamattardy jeke máseleleri boıynsha qabyldady, sonymen qatar qala ardagerlerimen kezdesti.
