El aýmaǵynda bastaý alǵan aksııanyń maqsaty – memlekettik Týdy nasıhattap, jastardyń týǵan eline degen otansúıgishtigin oıatý. Respýblıkalyq aksııaǵa Qazaqstannyń memlekettik Týyn belsendi nasıhattaıtyn stýdenttik jastar da ún qosty. Týdy qasterleý – árbir azamattyń boryshy, sebebi bul rámiz eldiń egemendigi men birtutastyǵyn bildiretin basty belgi bolyp tabylady.
Respýblıka boıynsha jalǵasqan bul úrdiske «Nur Otan» partııasy Mańǵystaý oblystyq fılıalynyń saıası jumystar bólimi jáne Aqtaý qalalyq fılıal qyzmetkerleri, qalalyq máslıhat depýtaty Q.Esetov, «Nur Otan» partııasy MOF partııalyq baqylaý ınspektory R.Shalbaev jáne ýnıversıtet ujymy at salysty.
-Shetelge shyqsańyz, týdy jeke úılerdiń aýlalaryna, kóshelerde jıi kezdesetinin baıqaısyz. Týdyń qasterliligi qashanda basty nazarda. Máselen, Uly Otan soǵysy kezinde qaıda barsa da týdy tastamaı, jyrtylǵan jerin tigip, alyp júrgen, degen «Nur Otan» MOF partııalyq baqylaý ınspektory Raqymjan Shalbaev Rahymjan Qoshqarbaevtyń Reıhstagqa tý tigý sátindegi esteligin jastardyń esine saldy.
