Qoǵam • 30 Qazan, 2019

Muǵalimderge qoldaý kórsetý kúsheıtiledi

491 ret kórsetildi

Nur Otan partııasy Tóraǵasynyń birinshi orynbasary Baýyrjan Baıbek jáne Nur-Sultan qalasynyń ákimi Altaı Kólginov osydan eki jyl buryn «CA Garden Schools» jeke kompanııasynyń basqarýyna berilgen №54 mektep-lıseıdiń jumysymen tanysty.

Kórsetilgen merzim ishinde ınvestor jóndeý jumystary men materıaldyq-tehnıkalyq bazany jańartýǵa 100 mln teń­geden astam qarajat saldy. Open-spase úlgisinde jumys isteı­tin co-working alańdary, intel­lec­tum qosymsha bilim berý ból­mesi jáne leksııaǵa, shyǵar­mashylyqqa, medıaǵa arnalǵan úsh bólikten turatyn garden hub leksııa bólmeleri sııaqty ja­ńa jumys alańdary ashyldy. Bi­rinshi qabattaǵy dırektordyń kabıneti muǵalimder bólmesi bolyp qaıta jabdyqtaldy.

Mektep dırektory Shákárim Seısenbaıdyń aıtýynsha, bilim berý júıesin jetildirý maq­satynda muǵalimder únemi bilik­tilik arttyrý kýrstarynan ótip turady. Mundaǵy muǵalim­der mereke kúnderi kezekshi­lik jasaý sııaqty basqa da óz min­det­terine kirmeıtin jumystar­men áý­relenbeıdi. Al mektep tú­lek­teri elimiz ben shetelderdegi eń úz­dik bilim ordalaryna oqýǵa tústi.   

Nur Otan partııasy Tóraǵa­sy­nyń birinshi orynbasary óz só­zinde, mekteptegi oń ózgeris­terge bız­nes engizgen menedjment júıesiniń arqa­synda qol jet­ki­zil­gendigin já­ne mundaı tájirı­beni basqa oqý oryndaryna tara­týdyń mańyz­dy­lyǵyn atap ótti.

«Eldegi adamı kapıtaldyń sapasy muǵalimderge jáne bilim berý deńgeıine baılanysty. Son­dyqtan júıeni zańnamalyq deńgeıde jetildirý úshin partııa tarapynan biz osyndaı bilim ordalarynyń sátti qadamdaryn zerdeleýdemiz. Sonymen qatar Elbasy, Nur Otan partııasynyń Tóraǵasy N.Á.Nazarbaevtyń bas­tamasymen osy mamandyqtyń mártebesin kóterýge, muǵa­lim­derge júktemeni azaıtýǵa jáne olardyń mindetine kirmeıtin jumystardy atqarýyna jol bermeýge  baǵyttalǵan «Muǵalimniń mártebesi týraly» zań jobasy jasaldy. Memleket basshysy Q.Toqaev aldaǵy tórt jylda muǵa­limderdiń eńbekaqysyn eki esege kóterýdi tapsyrdy. Nur Otan muǵalimderge kómektesý, jaǵ­daı jasaý jáne olardyń múd­delerin qorǵaý úshin osy baǵytta belsendi jumys isteıdi», – dedi Baýyrjan Baıbek.

 

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar