Prezıdent Joldaýy – barsha qazaqstandyqtardyń ómirine, bolashaǵyna qatysty tarıhı qujat: strategııalyq mańyzdylyǵy men belgili bir merzimde naqty mindetter men máselelerdiń sheshilýin qamtamasyz etýge baǵyttalǵan. Jasampazdyqqa jetelegen bıylǵy Joldaý elimizdiń eńsesin bıiktetip, ǵalamdyq órkenıet órisine shyǵarmaq. Memleket basshysy qaınaǵan tirshiliktiń bári eldiń ekonomıkasyna qatysty ekenin basa aıtty. О́ıtkeni eldiń damýy ekonomıkamen tyǵyz, tikeleı baılanysty. Básekelestik keńistikte damyǵan el ǵana aldyńǵy orynǵa shyǵatynyna kózimiz jetti.
Erteńgi baǵytyn, júretin jolyn, ósý jolyndaǵy muratyn anyq bilgen elderdiń qandaı jeńisterge jetkenin tarıhtan bilemiz. Elimiz táýelsizdigine endi qol jetkizip jatqanda aldaǵy 30 jylyn oılasa, endi júrisin durystap, tynysyn jóndep alǵanda syndarly murattardy alǵa qoıdy. Syndarly murat degen halyqtyń jaǵdaıy, eldiń órleýi, jarqyn ómir.
Memleket basshysy qazirgi ýaqytta bizge táýelsizdiktiń jetistikterin eselep, elimizdi damýdyń jańa sapaly kezeńine shyǵarý múmkindigi berilip otyrǵanyn jetkizdi.
«Biz buǵan Elbasy saıasatynyń sabaqtastyǵyn saqtap, júıeli reformalar júrgizý arqyly qol jetkize alamyz. О́zderińizge belgili, osynyń bári meniń saılaýaldy baǵdarlamamnyń negizi boldy. Qazir memlekettik organdar ony júzege asyrý úshin tıisti jumystar júrgizýde. Men halyqqa bergen ýádelerimdi mindetti túrde oryndaımyn», dedi Prezıdent.
Sondaı-aq Prezıdent halyqqa Joldaýynda Úkimet múshelerine, memlekettik organdar men óńirlerdiń, memlekettik kompanııalardyń jáne mekemelerdiń basshylaryna tıisti reformanyń júzege asyrylýy úshin derbes jaýapkershilik júkteletinin málimdedi jáne qazaq halqynyń memleket quraýshy ult retindegi rólin bekemdeý týraly aıtty.
«Qazaq halqynyń memleket quraýshy ult retindegi rólin bekemdep, etnosaralyq tatýlyq pen dinaralyq túsinistikti qalyptastyra berýimiz qajet. Bizdiń ustanymymyz: el birligi – onyń áralýandyǵynda!» dedi Qasym-Jomart Toqaev.
Sondaı-aq Memleket basshysy Tamyz konferensııasynda aldaǵy tórt jyl ishinde muǵalimderdiń eńbekaqysyn eki ese arttyrýdy tapsyrǵanyn aıta kelip: «Bul – kelesi jyldan bastap ustazdardyń jalaqysy 25 paıyzǵa ósedi degen sóz», dedi.
Joldaýda aıtylǵan taǵy bir mańyzdy másele – azamattyq qoǵamǵa qoldaý kórsetý qajettigi. Prezıdent: «Azamattyq qoǵamǵa qoldaý kórsetý kerek, halyqty jalpymemlekettik ózekti tapsyrmalardy talqylaýǵa tartý kerek. Sol úshin de Ulttyq qoǵamdyq senim keńesi quryldy», deı kelip, ol keleli máseleler kóshede emes, Parlamentte sheshilýi tıis ekenin qadap aıtty.
Sondaı-aq «Alda bolatyn Májilis jáne máslıhat saılaýy eldi kóppartııaly júıege ákelýi tıis», dedi Prezıdent.
Qasym-Jomart Toqaev til máselesi týraly da sóz qozǵady. Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keletinin, biraq mundaı dárejege jetý úshin bárimiz dańǵaza jasamaı, jumyla jumys júrgizýimiz qajettigin basa aıtty.
Memleket basshysy el taǵdyryna jany ashıtyn árbir azamatqa zor senim artatynyn jetkizdi.
«Qazaqstan – ortaq shańyraǵymyz! Men bárińizdi mereıli mekenimizdi órkendetýge úles qosýǵa shaqyramyn! Syndarly qoǵamdyq dıalog – tatýlyq pen turaqtylyq negizi», dedi ol.
Halyq «Birlik bar jerde tirlik bar» deıdi. Prezıdenttiń elimizdi jaýapkershilikke shaqyra otyryp, jasampazdyqqa jetelegen syndarly Joldaýy memleketimizdi baıandy belesterge bastaıdy dep senemiz.
Erlan SYDYQOV,
L.N.Gýmılev atyndaǵy Eýrazııa ulttyq ýnıversıtetiniń rektory, UǴA akademıgi
