Kezdesý barysynda 2015 jyly maquldanǵan jáne 17 ǵalamdyq Ornyqty damý maqsattaryn (ODM) qamtıtyn Ornyqty damý salasyndaǵy 2030 jylǵa deıingi Kún tártibin Qazaqstanda iske asyrý máseleleri talqylandy. Á.Smaıylov óz sózinde 2030 jylǵa deıingi Kún tártibin júzege asyrý ózekti ǵalamdyq problemalaryn sheshýde basty ról atqaratynyn atap kórsetti.
Otyrysqa qatysýshylar Qazaqstanda ODM júzege asyrý jáne lokalızasııalaý barysy boıynsha pikir almasty, qol jetkizgen oń nátıjelerdi atap ótti jáne osy maqsattardy odan ári iske asyrýdaǵy problemalardy aıqyndady.
Osy oraıda QR Premer-Mınıstriniń birinshi orynbasary ózi basshylyq etetin jáne quramyna múddeli memlekettik organdar men BUU eldik ofısiniń ókilderi kiretin Ornyqty damý maqsattaryn júzege asyrý boıynsha Úılestirý keńesiniń sheńberindegi jumysty jandandyrý qajettigine nazar aýdardy.
Kezdesý qorytyndylary boıynsha Á.Smaıylov BUU ókilderiniń barlyq usynystary men usynymdary tıisti memlekettik organdarǵa jan-jaqty taldaý jáne aǵymdaǵy jumysta paıdalaný úshin joldanatynyn málimdedi.
