Buǵan deıin zaýyt jumysshylary qoımadan kıim alý úshin tapsyrys berip, óz mólsherin kútýge, ózine shaqtap tigip alýǵa, jýýǵa tıis bolsa, endi bul jumystardyń bárin ortalyq atqarady. Qyzmetker arnaıy ortalyqqa kelip, jeke qorǵanys quraldary men kıimderin alady, belgili bir ýaqyttan keıin ony talapqa saı jýyp, qurǵaq tazalaýdan ótkizýge alyp qalady da, ornyna basqa jıyntyq beredi. Ár kıim tańbalanady jáne málimetter bazasyna engiziledi. Daıyn bolǵannan keıin qyzmetkerdiń uıaly telefonyna habarlama keledi. Táýlik boıy jumys isteıtin ortalyqtan zaýyttyń bas dırektory Shýhrat Danbaı birinshi bolyp kıim-keshek jıyntyǵyn aldy.
- Ortalyqtyń jumysyn Qazaqstan-Reseı Allies Industrial birlesken kásiporyny qamtamasyz etedi, onyń esebinde TMD-nyń basqa elderinde 150-ge jýyq osyndaı joba bar. Osy kompanııanyń arqasynda zaýyt burynǵy tamaq qoımalarynyń bos turǵan ǵımaratyna kúrdeli jóndeý jáne qaıta josparlaý júrgizdi. AMО́Z-de ashylǵan ortalyq – 100% qazaqstandyq joba dep senimmen aıta alamyn. Bul Qazaqstanda tıisti qyzmetterdiń tolyq kesheni bar alǵashqy mamandandyrylǵan ortalyq. Biz qyzmetkerler úshin olardyń jaıly jáne qaýipsiz eńbegi úshin eń jaqsy jaǵdaı jasaýdamyz, - dep atap ótti «Atyraý munaı óńdeý zaýyty» JShS Bas dırektory Shýhrat Danbaı.
Zaýyttyń qoǵammen baılanys bólimi habarlaǵandaı, «Jeti Qazyna» jobasy aıasynda taǵy bir bastama qolǵa alynady. Ol - turaqty jyljymaly stellajdar men qorǵaý júıesi bar qujattardy saqtaýǵa arnalǵan senimdi, órtke tózimdi bólmeleri bar ortalyqtandyrylǵan muraǵat. Osylaısha zaýyt qazirgi zamanǵy ıgilikterdi kúndelikti jumystarynda qoldanýǵa múddeli bolyp otyr.
ATYRAÝ
