Shara basynda rektor Takır Balyqbaev pen «Astana» telearnasynyń basshysy Qurmanbek Jumaǵalı yntymaqtastyq týraly memorandýmǵa qol qoıdy.
Kezdesý barysynda Qurmanbek Jumaǵalı Abaı atyndaǵy QazUPÝ stýdentterine sheberlik sabaǵyn ótkizdi. Tanymal tilshi óziniń jeke oqıǵalarymen jáne kásibı keńesterimen bólisti. Telearna qyzmeti men tilshilerdiń kúrdeli jumysy týraly, ásirese, belgili bir baǵdarlamany júzege asyrý jáne shyǵarmashylyq turǵydan ózin-ózi qalyptastyrý boıynsha keńesterin aıtty.
Stýdentterdi kásibı tilshi qandaı bolýy kerek degen suraq mazalady. Osy másele boıynsha Qurmanbek Jumaǵalı óz pikirin bildirdi:
-Tilshi aqparattyń «kómekshisi» bolýy kerek. Ol aqparatty tereń zerttep, jetildirýi kerek. Reıtıngke umtylý maqsatynda adamdardyń tynyshtyǵyn buzatyn habarlardy taratýǵa bolmaıdy. Tilshi úshin birneshe sózben aqparatty naqty jetkize bilý mańyzdy, ol barlyǵyna túsinikti jáne qyzyqty bolýy qajet.
Spıker aqparatty durys qabyldaý, túrli derekkózderdi paıdalaný, quqyqtyq normalardy bilý kerek ekenin atap ótti. Barlyq suraqtarǵa stýdentter Qurmanbek Jumaǵalıdan tolyq jaýaptar ǵana emes, sondaı-aq naqty keńester aldy.
