Hakatonǵa qatysýǵa 550-den astam ótinim kelip tússe, onyń 200-den astamy ǵana irikteýden ótken. Respýblıkalyq baıqaýdyń fınaly 29 qarasha men 1 jeltoqsan aralyǵynda «Qazaqstannyń turǵyn úı qurylys jınaq bankiniń» uıymdastyrýymen, «Báıterek» Ulttyq basqarýshy holdıngi men «QazTech Ventures» kompanııasynyń qoldaýymen Almaty qalasynda ótti.
«Baıqaýdyń basty maqsaty – joba ázirleýshiler men bıznes-ınvestorlar arasyndaǵy alshaqtyqty joıý» deıdi uıymdastyrýshylar. Olar hakaton qatysýshylaryna bank tutynýshylarynyń úıden shyqpaı-aq qyzmetti onlaın alýynyń baǵdarlamalyq jasaqtamasyn oılap tabýdy usyndy. Qatysýshylardyń usynǵan sheshimderi tıimdi, qarapaıym jolmen júzege asatyn jáne tutynýshylar úshin túsinikti bolýy tıis degen talap qoıylǵan.
Lıýbov Dýdchenko joba boıynsha seriktesteri Ilıas Ahmetov jáne Esentaı Qurmanbaevpen birge «Turǵyn úı qurylys jınaq banki» kompanııasy úshin salymshy bonýstaryn jınap, óziniń vırtýaldy úıin qurastyra alatyn mobıldi qoldanba ázirlep shyqty.
«Bul bank klıentteriniń salymdarynyń qarqyndylyǵyn arttyrýǵa kómektesedi. Sonymen qatar, bul qoldanbada jeke kýálikti skanerleýdiń arnaıy fýnksııasy bar. Onyń kómegimen banktegi kezekterdi qysqartýǵa bolady, sebebi saýalnamalardy toltyrý jáne klıentterdiń málimetterin derekter bazasyna jiberý avtomatty túrde júrgiziledi», - deıdi Lıýbov.
