Aǵymdaǵy jyldyń 3 jeltoqsanynda Almaty qalasy Jetisý aýdanynyń №2 aýdandyq sotynyń úkimimen Itenov pen Ádilbaeva azamatty veterınarlyq zerthanaǵa zerthanashy retinde jumysqa ornalastyrý úshin 250 myń teńge kóleminde para alǵany, sondaı-aq Itenov kásipkerlerge tıisti qorytyndylar berýde qyzmettik ókilettigin teris paıdalanǵany úshin kináli dep tanylyp, árqaısysyna 10 mln teńge kóleminde aıyppul salyndy.
Atalǵan tulǵalar ómir boıy memlekettik qyzmette laýazymdar atqarý quqyǵynan aıyryldy.
Osy úkimmen Alynıazova da kináli dep tanyldy jáne senimdi asyra paıdalana otyryp, memleketke múliktik zalal keltirgeni úshin oǵan 757 myń teńge kóleminde aıyppul salyndy.
