Qazaqstan • 10 Jeltoqsan, 2019

Qarýly Kúshterde mamandardy daıarlaý bastaldy

12 ret kórsetildi

Basqarý organdarynyń, quramalar men bólimderdiń 2020 oqý jylyna arnalǵan jaýyngerlik daıarlyq josparyna sáıkes Qazaqstannyń Qarýly Kúshterinde barlyq sanattaǵy áskerı qyzmetshilermen mamandyq boıynsha daıarlyq júrgiziledi. Bul týraly Qorǵanys mınıstrliginiń baspasóz qyzmeti habarlady.


Ol jaýyngerlik daıarlyq aptasynan keıin bastalady. Negizgi maqsat –áskerı qyzmetshilerdiń jeke quramynyń fýnksıonaldyq mindetterin, shtattyq qarý-jaraq pen áskerı tehnıkany zerdeleýi, atýdy, shtattyq baılanys quraldarymen jumys isteýdi jáne alǵashqy medısınalyq kómek kórsetýdi úıretý.

Sabaqtar árbir áskerı mamandyq boıynsha jeke ótkiziledi. Áskerı qyzmetshiler oqý toptarynyń quramynda jumys isteıdi. Oqytýdy halyqaralyq saıys pen oqý-jattyǵýlardyń qatysýshylary men júldegerleri bolyp tabylatyn tájirıbeli áskerı mamandar, nusqaýshylar júrgizedi.

Máselen, tank bólimshelerinde kózdeýshi-operatorlar sııaqty mamandar bar.  Olar berilgen maqsattardy dál jáne naqty joıa bilýi jáne ekıpaj quramynda úılesimdi jumys isteı alýy tıis. «Shyǵys» óńirlik qolbasshylyǵynda áskerı qyzmetshilerimen osy mamandyq boıynsha «Tank bıatlony» áskerı halyqaralyq oıyndarynyń qatysýshysy jáne birneshe dúrkin júldegeri, kózdeýshi – operator, aǵa serjant Dmıtrıı Alkenov jumys isteıdi. 2017 jyly qazaqstandyq tankıster komandasy osy iri jarysta ekinshi oryndy alsa, al 2019 jyly úshinshi oryndy ıelendi.  

«Mamandyq boıynsha daıyndyq kezinde biz nysanashy-operatorlardy zeńbirekten atý jáne onymen qosarlanǵan pýlemetten atý erejelerin úıretýimiz kerek. Negizinen kózdeýshi-operatordyń is-áreketteri aıtarlyqtaı fızıkalyq júktemelermen baılanysty. Sonymen qatar, ol tank ekıpajynyń múshelerimen tikeleı jáne tehnıkalyq qurylǵylardyń kómegimen turaqty baılanysta bolýy tıis. Bul qasıetterdiń barlyǵy áskerı qyzmetshiniń kásibıligin arttyrý jáne óz mamandyǵy men urystaǵy maqsatyn durys túsiný úshin qajet», dep atap ótti ol.

«Shyǵys» óńirlik qolbasshylyǵy áskerleriniń qolbasshysy polkovnık Asan Júsipov atap ótkende búngi tańda daıyndyqtan shamamen 700 áskerı qyzmetshi ótýde. Olarǵa 500 oqý toby men 1100-den asa tájirıbeli nusqaýshy-serjant tańdalynyp alynyp, oqý-materıaldyq baza, áskerı tehnıka men oq dáriler bólingen.

Elimizdiń Qarýly Kúshterinde tek saýatty, óz isin jetik biletin joǵary bilikti mamandar qyzmet etýi tıis. Ol meıli snaıper, ushqysh nemese tankıst bolsyn. Sondyqtan áskerı qyzmetshilerdiń jaýyngerlik daıarlyǵynyń jeke túri retinde arnaıy daıyndyqqa erekshe kóńil bólinedi.


Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar