Kórmeniń kelýshilerge usynyp otyrǵan Ortalyq mýzeıdiń qoryndaǵy XIII-XIV ǵasyrlarǵa tán 300-ge jýyq artefakti bar. Biregeı kolleksııa negizinde mýzeıge kelýshilerdi Altyn Orda kezeńiniń mádenıetimen, turmys-tirshiligimen tanystyrady. Kórmeniń bul jolǵy ózgeshiligi Almaty oblysy, Sheńgeldi aýyly mańyndaǵy qabirden tabylǵan artefaktiler – XIII-XIV ǵasyrlardaǵy Shaǵataı áýleti shendileriniń biri – sarbazdyń jibekten tigilgen sándi kıiminiń kórinisteri alǵash ret kelýshilerge kórsetildi.
Búgingi kórmede bes aqparattyq keshenge jiktelip kórsetildi, onda mynadaı bólimder bar ekenin aıtýǵa bolady, máselen «XIII-XIV ǵasyrlardaǵy sarbazdyń kıimi, qarý-jaraǵy» bóliminde beldik áshekeıleri, qarý-jaraq, jebe ushtyqtary, semser, qylshan jáne basqa da artefaktiler usynyldy. Almaty oblysy, Sheńgeldi aýyly mańyndaǵy qabirden tabylǵan, kezinde arheolog Á.K. Aqyshev zerttegen qundylyq – XIII-XIV ǵasyrlarda jibekten tigilgen sándi kıiminiń kórinisteri osy bólimdegi asa mándi derek.
«XIII-XIVǵǵ. Qazaqstan aýmaǵyndaǵy altynordalyq qalalar» bóliminde XIII-XIV ǵǵ. Saraıshyq, Otyrar, Quıryqtóbe sııaqty qala oryndarynanan tabylǵan arheologııalyq artefaktiler usynyldy.
«Uly Jibek jolynyń baıyrǵy buıymdary. Monetalar» bóliminde Qazaqstannyń altynordalyq qalalarynyń ornynan tabylǵan baıyrǵy buıymdary jáne sonymen qatar Saraıshyq qalashyǵynan tabylǵan Joshy ulysynyń jáne XIII-XIV ǵasrlardaǵy ózge memleketterdiń teńge saraılarynyń ónimderi – kúmis, mys monetalar kóz tartady.
«Dinder: táńirlik, ıslam, nestorıandyq, zoroastrızm, býddızm» bóliminde nestorıandyq qulpytastar derekterimen tanysýǵa bolady.
«XIII-XIVǵǵ. Minájatttyq dinı ǵımarattar sáýleti» ekspozısııalyq bóliminde Saraıshyq sekildi qalashyqtar ǵımarattarynyń keskin-kelbetin, Joshy han, Alasha han, Bolǵan ana mazary, Qoja Ahmet Iаsaýı kesenesi syndy sáýlet óneri eskertkishteriniń órnekterin aıshyqtaıtyn dúnıeler qoıyldy.
Altyn ordanyń aq tańy araılap atqandaı bolady dersiz.
