Qazaqtyń talantty ulynyń ónerin tamashalaýǵa kelgen kórermen qazaq tilinde shyrqalǵan kompozısııalarǵa tebirenip, Dımashpen birge oryndady. Jankúıerlerdiń basym bóligi D.Qudaıbergenniń ánderin jatqa biledi. Olar qazaq tilindegi án mátinin túsiný úshin óz tilderine aýdaryp, tipti qazaq tilin úırenip júrgeni týraly baspasóz quraldarynda jazylyp júr.
Konsert barysynda Dımash pen mýzykanttar oryndaǵan «Adaı» kúıi de tyńdaýshylardyń qulaq quryshyn qandyrdy. Sondaı-aq jas talant árbir ánin oryndaǵan saıyn: «Meniń otanym – Qazaqstan!» dep, jınalǵan qaýymdy elimizge kelýge shaqyrdy.
Gremmı syılyǵynyń ıegeri, perýlik ataqty ánshi Eva Aılan Dımash Qudaıbergendi kórý úshin óz konsertin keıinge shegerip, Nıý-Iorkke ushyp kelgen. Al konsert sońynda «Elim meniń» áni oryndaldy. Úlken ekrannan kók týymyz jelbirep, qazaq jeriniń sulý tabıǵaty Nıý-Iorktiń Barslays center arenasyna jınalǵandardy tánti etti.
Konsert Qazaqstannyń AQSh-taǵy mádenıet kúnderi aıasynda jáne Mádenıet jáne sport mınıstrliginiń qoldaýymen uıymdastyryldy.
