«Qazaqstannnyń Tuńǵysh Prezıdenti – Elbasy Nursultan Nazarbaev pen Memleket basshysy Qasym-Jomart Toqaev EQQDB-men yntymaqtastyqqa zor kóńil bóledi. О́tken 27 jylda EQQDB-nyń Qazaqstanǵa ınvestısııalar kólemi 260-tan astam jobada $9 mlrd-tan asty», dedi A. Mamın.
Kelissóz qorytyndysy boıynsha Úkimet pen EQQDB arasynda Qazaqstanda densaýlyq saqtaý ınfraqurylymyn jańǵyrtýdyń Keshendi baǵdarlamasyn iske asyrý jónindegi О́zara túsinistik týraly memorandýmǵa qol qoıyldy.
«Qazaqstanda 2020–2024 jyldarǵa arnalǵan densaýlyq saqtaýdyń memlekettik baǵdarlamasy aıasynda jańa kópsalaly aýrýhanalar salynady. Biz EQQDB-nyń densaýlyq saqtaý júıesiniń ınfraqurylymyn jańǵyrtýǵa qatysýyn qoldaımyz», dedi A. Mamın.
О́z tarapynan, EQQDB prezıdenti Sýma Chakrabartı Densaýlyq saqtaý ınfraqurylymyn jańǵyrtý jobalaryn qarjylandyrýǵa qyzyǵýshylyq bildirdi.
Úkimet basshysy EQQDB-nyń Qazaqstandaǵy memlekettik-jekeshelik áriptestik salasyndaǵy iri jobany - Úlken Almaty avtomobıl aınalma jolyn (ÚAAAJ) iske asyrýǵa qatysýynyń mańyzdylyǵyn atap ótti.
Taraptar Qazaqstanda turǵyn úı-kommýnaldyq sharýashylyǵy, kólik ınfraqurylymy, jańartylatyn energııa kózderi jáne t.b. salalarda memlekettik-jekeshelik áriptestik jobalaryn iske asyrý boıynsha ekijaqty yntymaqtastyq perspektıvalaryn talqylady.
