Qazaqstan Respýblıkasy Prezıdentiniń Jarlyǵy №601

«Memlekettik ákimshilik qyzmetshi antynyń mátinin jáne Memlekettik ákimshilik qyzmetshilerdiń ant berý tártibin bekitý týraly» Qazaqstan Respýblıkasy Prezıdentiniń 1999 jylǵy 29 jeltoqsandaǵy №319 jáne «Qazaqstan Respýblıkasynyń memlekettik saıası qyzmetshileri antynyń mátinin jáne Qazaqstan Respýblıkasy memlekettik saıası qyzmetshileriniń ant berý tártibin bekitý týraly» Qazaqstan Respýblıkasy Prezıdentiniń 2000 jylǵy 13 sáýirdegi №372 jarlyqtaryna ózgerister engizý týraly

«Memlekettik ákimshilik qyzmetshi antynyń mátinin jáne Memlekettik ákimshilik qyzmetshilerdiń ant berý tártibin bekitý týraly» Qazaqstan Respýblıkasy Prezıdentiniń 1999 jylǵy 29 jeltoqsandaǵy №319 jáne «Qazaqstan Respýblıkasynyń memlekettik saıası qyzmetshileri antynyń mátinin jáne Qazaqstan Respýblıkasy memlekettik saıası qyzmetshileriniń ant berý tártibin bekitý týraly» Qazaqstan Respýblıkasy Prezıdentiniń 2000 jylǵy 13 sáýirdegi №372 jarlyqtaryna ózgerister engizý týraly

Qaýly etemin:

1. Qazaqstan Respýblıkasy Prezıdentiniń mynadaı jarlyqtaryna ózgerister engizilsin:

1) «Memlekettik ákimshilik qyzmetshi antynyń mátinin jáne Memlekettik ákimshilik qyzmetshilerdiń ant berý tártibin bekitý týraly» Qazaqstan Respýblıkasy Prezıdentiniń 1999 jylǵy 29 jeltoqsandaǵy №319 Jarlyǵyna (Qazaqstan Respýblıkasynyń PÚAJ-y, 1999 j., №58, 561-qujat):

taqyryp mynadaı redaksııada jazylsyn:

«Qazaqstan Respýblıkasy memlekettik ákimshilik qyzmetshisi antynyń mátinin jáne Qazaqstan Respýblıkasy memlekettik ákimshilik qyzmetshileriniń ant berý qaǵıdalaryn bekitý týraly»;

1-tarmaq mynadaı redaksııada jazylsyn:

«1. Qosa berilip otyrǵan:

1) Qazaqstan Respýblıkasy memlekettik ákimshilik qyzmetshisi antynyń mátini;

2) Qazaqstan Respýblıkasy memlekettik ákimshilik qyzmetshileriniń ant berý qaǵıdalary bekitilsin.»;

joǵaryda atalǵan Jarlyqpen bekitilgen Qazaqstan Respýblıkasy memlekettik ákimshilik qyzmetshisi antynyń mátini osy Jarlyqqa 1-qosymshaǵa sáıkes jańa redaksııada jazylsyn;

joǵaryda atalǵan Jarlyqpen bekitilgen Qazaqstan Respýblıkasy memlekettik ákimshilik qyzmetshileriniń ant berý tártibi osy Jarlyqqa 2-qosymshaǵa sáıkes jańa redaksııada jazylsyn;

2) «Qazaqstan Respýblıkasynyń memlekettik saıası qyzmetshileri antynyń mátinin jáne Qazaqstan Respýblıkasy memlekettik saıası qyzmetshileriniń ant berý tártibin bekitý týraly» Qazaqstan Respýblıkasy Prezıdentiniń 2000 jylǵy 13 sáýirdegi № 372 Jarlyǵyna (Qazaqstan Respýblıkasynyń PÚAJ-y, 2000 j., № 19, 200-qujat; 2005 j., № 27, 329-qujat):

taqyryp mynadaı redaksııada jazylsyn:

«Qazaqstan Respýblıkasy memlekettik saıası qyzmetshisi antynyń mátinin jáne Qazaqstan Respýblıkasy memlekettik saıası qyzmetshileriniń ant berý qaǵıdalaryn bekitý týraly»;

kirispe mynadaı redaksııada jazylsyn:

«Memlekettik qyzmet týraly» 1999 jylǵy 23 shildedegi Qazaqstan Respýblıkasynyń Zańyn iske asyrý maqsatynda qaýly etemin:»;

1-tarmaq mynadaı redaksııada jazylsyn:

«1. Qosa berilip otyrǵan:

1) Qazaqstan Respýblıkasy memlekettik saıası qyzmetshisi antynyń mátini;

2) Qazaqstan Respýblıkasy memlekettik saıası qyzmetshileriniń ant berý qaǵıdalary bekitilsin.»;

2-tarmaq alyp tastalsyn;

3-tarmaq mynadaı redaksııada jazylsyn:

«3. Qazaqstan Respýblıkasynyń Pre­mer-Mınıstri men Qazaqstan Respýblıkasy Úki­­metiniń ózge de músheleri, Qazaqstan Res­pýblıkasy Konstıtýsııalyq Keńesiniń Tór­aǵasy men músheleri antynyń máti­ni jáne ant berý tártibi «Qazaqstan Respýb­lı­­kasynyń Úkimeti týraly» 1995 jylǵy 18 jeltoqsandaǵy jáne «Qazaqstan Respýb­lıkasynyń Konstıtýsııalyq Keńesi týraly» 1995 jylǵy 29 jeltoqsandaǵy Qazaq­stan Respýblıkasynyń Konstıtýsııalyq zań­darymen, sondaı-aq Qazaqstan Respýb­lı­kasy Prezıdentiniń tıisti aktisimen belgilenedi.

Adam quqyqtary jónindegi ýákil antynyń mátini jáne ant berý tártibi «Adam quqyqtary jónindegi ýákil qyzmetin belgileý týraly» Qazaqstan Respýblıkasy Prezıdentiniń 2002 jylǵy 19 qyrkúıektegi № 947 Jarlyǵymen belgilenedi.»;

4, 4-1, 5, 5-1, 5-2 jáne 5-3-tarmaqtar alyp tastalsyn;

joǵaryda atalǵan Jarlyqpen bekitilgen Qazaqstan Respýblıkasy memlekettik saıası qyzmetshisi antynyń mátini osy Jarlyqqa 3-qosymshaǵa sáıkes jańa redaksııada jazylsyn;

joǵaryda atalǵan Jarlyqpen bekitilgen Qazaqstan Respýblıkasy memlekettik saıa­sı qyzmetshileriniń ant berý tártibi osy Jarlyqqa 4-qosymshaǵa sáıkes jańa redaksııada jazylsyn.

2. Osy Jarlyq alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń Prezıdenti

N.NAZARBAEV.

Astana, Aqorda, 2013 jylǵy 24 shilde.

№601

Qazaqstan Respýblıkasy Prezıdentiniń

2013 jylǵy 24 shildedegi № 601 Jarlyǵyna 1-qosymsha

Qazaqstan Respýblıkasy Prezıdentiniń 1999 jylǵy 29 jeltoqsandaǵy № 319 Jarlyǵymen bekitilgen

Qazaqstan Respýblıkasy memlekettik ákimshilik qyzmetshisiniń anty

Memlekettik qyzmet atqarýdy qoǵam men memleket tarapynan aıryqsha senim bildirý retinde baǵalap, Qazaqstan halqy aldyndaǵy ózimniń bıik jaýapkershiligimdi sezine otyryp, eldiń Konstıtýsııasy men zańnamasyn saqtaýǵa, halqyma adal da biliktilikpen qyzmet etýge saltanatty túrde ant etemin.

A.Á.T.    ________________________________      

                _______________

                    (qoly, kúni)

Qazaqstan Respýblıkasy Prezıdentiniń 2013 jylǵy 24 shildedegi № 601 Jarlyǵyna 2-qosymsha

Qazaqstan Respýblıkasy Prezıdentiniń 1999 jylǵy 29 jeltoqsandaǵy № 319 Jarlyǵymen bekitilgen

Qazaqstan Respýblıkasy memlekettik ákimshilik qyzmetshileriniń ant berý qaǵıdalary

1. Jalpy erejeler

1. Qazaqstan Respýblıkasynyń árbir azamaty memlekettik ákimshilik qyzmetke tuńǵysh ret kire otyryp, ant beredi.

2. Memlekettik qyzmetti toqtatqan adamdar memlekettik ákimshilik qyzmetke jańadan kire otyryp, antty qaıtadan beredi.

3. Memlekettik ákimshilik qyzmetshiler laýazymǵa taǵaıyndalǵan nemese synaq merziminen tabysty ótken kúninen bastap bir aı ishinde ant beredi.

4. Memlekettik ákimshilik qyzmetshiler memlekettik organnyń basshysyna nemese onyń tapsyrmasy boıynsha ózge laýazymdy adamǵa ant beredi.

5. Eger Qazaqstan Respýblıkasynyń Prezıdenti ózgedeı sheshim qabyldamasa, «A» korpýsynyń myna memlekettik ákimshilik qyzmetshileri:

Qazaqstan Respýblıkasy Prezıdenti Ákimshiliginiń Basshysyna – ortalyq atqarýshy organdardyń jaýapty hatshylary;

oblystardyń, astananyń jáne respýblıka­lyq mańyzy bar qalanyń ákimderine – oblys­tar­dyń, astananyń jáne respýb lıkalyq mańyzy bar qalanyń ákimderi apparattarynyń basshylary; oblystyq mańyzy bar qalalardyń (oblystardyń ákimshilik ortalyǵy bolyp tabylatyn qalalardyń ákimderin qospaǵanda), oblystar aýdandarynyń jáne qalalardaǵy aýdandardyń ákimderi ant beredi.

6. Ortalyq atqarýshy organdar komıtetteriniń tóraǵalary tıisti ortalyq atqarýshy organnyń basshysyna nemese onyń tapsyrmasy boıynsha ózge laýazymdy adamǵa ant beredi.

Qazaqstan Respýblıkasy Parlamenti Sharýa­shy­lyq basqarmasynyń basshysy jáne onyń orynbasarlary Qazaqstan Respýblıkasy Prezı­denti­niń Is basqarýshysyna nemese onyń tapsyrmasy boıynsha ózge laýazymdy adamǵa ant beredi.

Oblystardyń, astananyń, respýblıkalyq mańyzy bar qalanyń tekserý komıssııalarynyń tóraǵalary jáne músheleri oblys, astana, respýblıkalyq mańyzy bar qala máslıhatynyń sessııasynda ant beredi.

Aýdandyq mańyzy bar qalalardyń, aýyldar­dyń, kentterdiń, aýyldyq okrýgterdiń ákimderi oblystar aýdandarynyń ákimderine ant beredi.

2. Memlekettik ákimshilik qyzmetshilerdiń ant berý tártibi

7. Ant saltanatty jaǵdaıda memlekettik organ basshysynyń nemese onyń tapsyrmasy boıynsha ózge laýazymdy adamnyń ne osy Qaǵıdalardyń 5 jáne 6-tarmaqtarynda kórsetilgen adamdardyń, sondaı-aq tıisti memlekettik organ (qurylymdyq bólimshe) qyzmetkerleriniń qatysýymen qabyldanady. Ant berý rásimine ózge de laýazymdy adamdar, buqaralyq aqparat quraldarynyń ókilderi shaqyrylýy múmkin.

8. Belgilengen ýaqytta memlekettik organ basshysy nemese onyń tapsyrmasy boıynsha ózge laýazymdy adam ne osy Qaǵıdalardyń 5 jáne 6-tarmaqtarynda kórsetilgen adamdar, tıisti memlekettik organnyń (qurylymdyq bólimsheniń) qyzmetkerleri, shaqyrylǵan laýazymdy adamdar Qazaqstan Respýblıkasynyń memlekettik rámizderi – Memlekettik Tý jáne Memlekettik Eltańba ornatylǵan úı-jaıǵa jınalady.

9. Ant berý saltanaty memlekettik organ basshysynyń nemese onyń tapsyrmasy boıynsha ózge laýazymdy adamnyń ne osy Qaǵıdalardyń 5 jáne 6-tarmaqtarynda kórsetilgen adamdardyń kirispe sóz sóıleýimen bastalady. Personaldy basqarý qyzmetiniń (kadr qyzmetiniń) ókili memlekettik ákimshilik qyzmetshilerdi shaqyryp, olarǵa ant mátini bar blankilerdi tapsyrady. Sodan keıin árbir ant berýshi memlekettik ákimshilik qyzmetshi jınalǵandardyń aldynda ant mátinin memlekettik tilde ne orys tilinde oqıdy.

Ant berilgen kúni kórsetilgen, memlekettik ákimshilik qyzmetshiniń qoly qoıylǵan ant mátini bar blank onyń jeke isteri materıaldarynda saqtalady.

Ant berilgennen keıin memlekettik organnyń basshysy nemese onyń tapsyrmasy boıynsha ózge laýazymdy adam ne osy Qaǵıdalardyń 5 jáne 6-tarmaqtarynda kórsetilgen adamdar, sondaı-aq shaqyrylǵan laýazymdy adamdar (sońǵylar – qalaýy boıynsha) quttyqtaý sóz sóıleıdi. Ant berý rásimi Qazaqstan Respýblıkasynyń Memlekettik Gımnin oryndaýmen aıaqtalady, qatysýshylar ony ornynan turyp aıtady (tyńdaıdy), bul rette Qazaqstan Respýblıkasynyń azamattary oń qolyn júrek tusyna qoıady.

10. Memlekettik ákimshilik qyzmetshiniń qyzmettik tizimine ant bergeni týraly tıisti jazba engiziledi.