«О́ndiris» eldi-mekeniniń turǵyndary jańa mektep salý máselesin kóterdi. Elorda ákimi Altaı Kólginov bul eldi-mekende mekteptiń qurylysyn 2021 jyly bastaý josparlap otyrǵanyn aıtty.
«Biz jınalyp otyrǵan bilim berý nysany A. Qunanbaev atyndaǵy №87 mektep. Mektep osy oqý jylynyń basynda ashyldy. Oqý orny 900 orynǵa eseptelgen. Mektep №5 jáne №16 mektepterdiń shamadan tys júktelýi máselesin sheshýge múmkindik berdi. 2020 jyly Baıqońyr aýdanynyń S. Seıfýllın – Syrdarııa kóshesinde bir mektep jáne mektepterdiń aýmaǵynda 3 jańa korpýs salý josparlanyp otyr. Qalada jyl saıyn keminde 10 mektep salý qajet. Oqý oryndarynyń qurylysyna jeke ınvestorlar tartý boıynsha belsendi jumys júrgizemiz», dedi qala ákimi Altaı Kólginov.
Baıqońyr aýdanynda barlyǵy 43 bilim berý nysany bar, onyń ishinde: 2 joǵary oqý orny, 8 kolledj, 19 memlekettik mektep jáne 14 balabaqsha.
Turǵyndar kótergen máselelerdiń bir bóligine zań aıasynda túsinikteme berilse, qalǵandary jumysqa alyndy. Keshe elorda ákimi Altaı Kólginov Esil aýdanynyń turǵyndarymen kezdesti. Osyndaı ashyq formattaǵy halyqpen kezdesýler júıeli túrde ótkiziletin bolady.
