Komandalyq jarysta baq synaǵan Qazaqstan áıelder quramasy jalpy esepte 1209 upaımen 18-orynǵa jaıǵasty. Úsh kezeń qorytyndysy boıynsha kósh basynda Norvegııa (2815 upaı), ekinshi orynda Shvesııa (2484), úzdik úshtikti Reseı (2482) bıatlonshylary túıindep tur.
Al Qazaqstan erler quramasy búgingi básekeden keıin 876 upaı jınap, 22-orynǵa turaqtady. Birinshi orynda Norvegııa (2926 upaı), ekinshi Fransııa (2684), úshinshi Reseı men Germanııa (2453 upaı) sportshylary tur.
Aıta keteıik, 2019-2020 jylǵy bıatlonnan Álem kýbogy 9 kezeńge sozylady. Sosyn sportshylar Italııanyń Anthols-Anterselva qalasynda ótetin Álem birinshiligine attanady. Endi Álem kýbogynyń 4-kezeńi 2020 jyly 9-12 qańtar aralyǵynda Germanııanyń Oberhof qalasynda ótedi.
