Máselen, Mańǵystaý aýdany Polısııa bóliminiń qyzmetkerleri ólke tarıhymen, ulttyq qundylyqtarymen tanysý maqsatynda Shetpe selosynda ornalasqan ortalyq ólketaný murajaıy jáne Serikbol Qondybaev atyndaǵy murajaıǵa baryp, belgili ádebıettanýshy, jazýshy S.Qondybaevtyń ómiri, qazaq mıfologııasyna qosqan úlesi týraly kóp maǵlumattar aldy.
Beıneý aýdany Polısııa bóliminiń qyzmetkerleri beıneýlik jastardy bastap aýdandyq tarıhı-ólketaný murajaıyna saıahattap qaıtty.
Qaraqııa aýdany polısııa bóliminiń qyzmetkerleri jáne jańadan taǵaıyndalǵan jas mamandar men úmitkerlerdi «Geolog-barlaýshylar» murajaıyna ekskýrsııaǵa apardy.
Túpqaraǵan aýdany Polısııa bóliminiń polıseıleri Fort-Shevchenko qalasynyń etnografııalyq murajaıynyń ishki qundylyqtarymen tanyssa, Jańaózen qalasy Polısııa basqarmasynyń qyzmetkerleri qalalyq tarıhı-ólketaný murajaıyna ekskýrsııa jasady.
Jas mamandar Mańǵystaý oblystyq tarıhı-ólketaný mýzeılerimen tanysý barsynda – kıeli túbekti qashannan mekendegen qaharman halyqtyń ómir saltyn búkpesiz beıneleıtin jaýhar jádigerler men qasıetti shańyraqpen 1975 jyly qurylǵan mýzeı qoryndaǵy 58 myńǵa jýyq ulttyq qundylyq pen tarıhı jádigerlermen tanysyp, Mańǵystaýdyń tumsa tabıǵaty men tarıhy jáne etnografııasymen tanystyryp qana qoımaı, halyqty zııaly qaýymmen tabystyratyn rýhanı ortalyqqa aınalǵan mýzeıdegi álemniń túkpir-túkpirinen keletin jıhankezderdiń tarıhymen de tanysty.
Qyzmetkerler «Týǵan-jer» baǵdarlamasy aıasynda uıymdastyrylǵan saıahatta murajaılar qoryndaǵy jádigerlerdiń negizin quraıtyn ólkedegi mol qazba jumystary arqyly tabylǵan arheologııalyq, paleontologııalyq jınaqtar, gerbarııler, sonymen qatar murajaıdyń negizgi maqtanyshy bolyp esepteletin Mańǵystaýdyń erekshe zergerlik buıymdary jáne kıiz úı jabdyqtary, ólke jerine belgili tarıhı tulǵalar men mádenıet, óner, ádebıet, ǵylym, halyq aǵartý, densaýlyq saqtaý, óndiris salalarynda erekshe eńbegi sińgen qaıratkerler jóninde jáne mekeme, óndiris oryndary týraly qujattarmen tanysyp, rýhanı-dýnıetanymdaryn damytty. Sonymen qatar, murajaı qorynda jergilikti turǵyndar men Mańǵystaýǵa kelgen alǵashqy orys qonystanýshylary ustap tutynǵan turmystyq buıymdar, eńbek quraldary, fotoshejireler, ólkeniń tabıǵaty, ósimdikteri men janýarlar dúnıesin kórsetetin ártúrli tulyptar men ylǵaldy preparattar jaıynda maǵlumat aldy.
