«Bek Air» áýekompanııasynyń «Almaty - Nur-sultan» baǵyty boıynsha ushý kezinde bıiktikten aıyrylyp, betondy qorshaýdy syndyrǵan. Eki qabatty qurylyspen soqtyǵysqan ushaq oqıǵa ornynda órtengen joq.
Memleket basshysy Q-J.Toqaev qaza tapqan azamattardyń týǵan-týystary men jaqyndaryna kóńil aıtty jáne zardap shekkenderdiń barlyǵyna kómek kórsetiletinine sendirdi. Sonymen qatar, prezıdenttiń aıtýynsha, barlyq kináliler zańǵa sáıkes qatań jazaǵa tartylady.
Aldyn ala málimetter boıynsha, áýe bortynda 95 jolaýshy, 5 ekıpaj múshesi bolǵan. Saǵat 11.00-degi jaǵdaı boıynsha áýe apatynan 14 adam qaza taýyp, qıraǵan ushaqtyń 24 jolaýshysy aýrýhanaǵa jetkizildi. Avarııalyq-qutqarý jumystary aıaqtalǵannan keıin qaza bolǵandar men tiri qalǵandardyń sany týraly naqty derekter aıtylady.
Premer-Mınıstrdiń tapsyrmasy boıynsha Premer-Mınıstrdiń orynbasary bastaǵan úkimettik komıssııa quryldy. Onyń quramyna Indýstrııa jáne ınfraqurylymdyq damý mınıstri jáne basqa da memlekettik organdardyń ókilderi kirdi. Komıssııa oqıǵa ornyna ushyp shyǵady.
Oqıǵa ornynda qutqarýshylar, medısınalyq qyzmetter jáne quqyq qorǵaý organdarynyń qyzmetkerleri jumys isteýde. Sonymen qatar jedel-tergeý toby jumys júrgizýde. Barlyǵy 976 adam jáne 70 birlik tehnıka, 33 jedel medısınalyq járdem brıgadasy jumyldyryldy. Oqıǵanyń egjeı-tegjeıli jaǵdaılary men sebepteri anyqtalady.
Oqıǵa mán-jaıyn anyqtaǵanǵa deıin osy úlgidegi ushaqtardyń ushýy ýaqytsha toqtatyldy.
Jedel shtab quryldy.
Jedel jeli nomerleri: 8 (7172)53-32-84.
Almaty oblysy TJD 8 (7282) 22-02-13, 22-02-18.
Nur-sultan 8 (7172) 24-52-12, 24- 51-71, 24- 51- 47
