Bul tizimge engen 1 183 425 adam mindetti tólemnen bosatylǵan áleýmettik sanatqa jatsa, 474 514 adam jaldamaly jumysshylar qataryna kiredi. Al MÁMS baǵdarlamasyna qatysýshylardyń taǵy bir qalyń shoǵyryn jeke kásipkerler men kelisim shart negizinde jumys isteıtin tulǵalar quraıdy eken. Olardyń sany 50 088 adam. Sondaı-aq, biryńǵaı jıyntyq tólem júıesi boıynsha jarna aýdarǵandar sany da 30 652 adam shamasynda.
Jyl basyndaǵy esep boıynsha mindetti áleýmettik medısınalyq saqtandyrý júıesine túsken tólemniń jalpy kólemi 11,2 mlrd teńgeni qurady. Al oblys kóleminde MÁMS baǵdarlamasyna qosylmaǵandar sany 26 650 adam shamasynda eken.
