Qostanaıda tópelep jaýǵan barmaq basyndaı burshaq egistik alqapty jaıpap ótip, sharýashylyqtarǵa orasan zııan keltirdi. Bul týraly «Habar» telearnasy habarlady.
Marat Moldashev basqaratyn sharýashylyq ujymy bıyl 3,5 myń gektarǵa dándi-daqyldar ekken edi. Sonyń 300 gektary tabıǵat apatynan typ-tıpyl boldy. Alǵashqy boljam boıynsha seriktestikke kelgen shyǵyn kólemi -12-15 mln. teńge shamasynda. Jalpy aıtqanda, atalǵan óńirdiń Meńdiqara aýdanynda 4 sharýashylyq burshaqtyń zardabyn tartyp otyr. Jaramsyz bolǵan egis alqaby 1 myń gektarǵa jýyqtaıdy. Naqty esebin jaqyn arada arnaıy komıssııa jarııa etetin bolady. «Aldymen iske jaramsyz bolyp qalǵan alqaptardyń aýmaǵy ólshenip, shyǵyn esebi shyǵarylady. Sodan keıin ǵana saqtandyrý kompanııasy óz esebin jarııalaıdy. Az da bolsa, tıisti tólem qolymyzǵa tıer degen úmittemin», - deıdi Meńdiqara aýdandyq aýyl sharýashylyǵy bóliminiń bastyǵy Aleksandr Kovalchýk.
Danııar Túımebaı.
