Ýkraınanyń «Roshen» kompanııasy óndirgen shokoladtardan zııandy qospalar tabyldy. Muny Reseıdiń bas sanıtary málimdep otyr. Bul týraly «Jetinshi» telearna habarlady.
Reseı elindegi sanıtarlyq-epıdemıologııalyq saraptama ortalyǵynyń mamandary saýda núktelerine tekserý júrgizgende «Roshen» kompanııasy óndirgen shokoladtardyń quramynda benzopırenniń bar ekenin anyqtaǵan. Bul zııandy zat qaterli isiktiń paıda bolýyna áser etetin kórinedi. «Reseı eli bizge «Roshen» kompanııasy óndirgen shokoladtardyń quramynan benzopıren tabylǵanyn resmı túrde málimdedi. Sondyqtan elimiz saýda oryndaryna tekserý júrgizý josparlanýda», - deıdi Densaýlyq saqtaý mınıstrligi sanıtarlyq-epıdemıologııalyq qadaǵalaý komıtetiniń bas sarapshysy Maral Rahymjanova.
Danııar Túımebaı.
