Taǵaıyndaý • 22 Qańtar, 2020

«QazMunaıGaz» UK Basqarma tóraǵasynyń orynbasary taǵaıyndaldy

890 ret kórsetildi

2020 jylǵy 21 qańtardan bastap «QazMunaıGaz» UK AQ Basqarma tóraǵasynyń strategııa, ınvestısııalar jáne bıznesti damytý jónindegi orynbasary bolyp Abdýlǵafarov Dastan Elemesuly taǵaıyndaldy. Bul týraly atalǵan kompanııanyń jurtshylyqpen baılanys departamenti habarlady.

Ol QMG UK Damý strategııasynyń iske asyrylýyna, bıznes-jospardyń qalyptastyrylýy men oryndalýyna, ınvestısııalyq jobalar portfeliniń tıimdi basqarylýyna, sondaı-aq jańa aktıvterdi satyp alý jónindegi mámilelerdiń júzege asyrylýy men qoldanystaǵy bıznes-baǵyttardy keńeıtýge jaýapty bolady. Buǵan deıin Dastan Abdýlǵafarov «QazMunaıGaz» UK AQ Apparat basshysy – damý jónindegi basqarýshy dırektory qyzmetin atqaryp keldi.

Dırektorlar keńesiniń 2019 jylǵy 23 jeltoqsandaǵy sheshimimen bekitilgen jańa uıymdyq qurylym korporatıvtik basqarýdyń tıimdiligin arttyrýdy jáne ulttyq kompanııanyń strategııalyq mindetterdi sheshýge baǵyttalǵan qyzmetin nyǵaıtýdy qamtamasyz etýge tıis.

Abdýlǵafarov Dastan Elemesuly – zań jáne ekonomıka salasynda joǵary bilimi bar, «Skolkovo» Máskeý basqarý mektebi Executive MBA dárejesiniń ıegeri.

QMG kompanııalar tobynda 17 jyldan astam qyzmet etip keledi. «QazMunaıTeńiz» TMK» AQ jańa jobalardy damytý departamentiniń dırektory, «QazMunaıGaz» Barlaý О́ndirý» AQ bıznesti damytý jónindegi basqarýshy dırektory, bas dırektordyń ekonomıka jáne qarjy jónindegi orynbasary laýazymdarynda jumys atqardy.

Sońǵy jańalyqtar

Uqsas jańalyqtar