Kitaphana dırektory Sholpan Shahmetovanyń aıtýynsha, qazir óńirdegi aýyl-qalalarda Abaıdyń 175 jyldyǵyna oraı aqynnyń kitaptaryn syılaý sharasy bastalypty. Iаǵnı, qoǵamdyq oryndarda qala turǵyndary, qonaqtar arasynda saýaldamalar júrgizilýde. Abaı óleńderin, qara sózderin, ánderin aıtyp beretin turǵyndarǵa Abaıdyń kitaptary syıǵa berilýde.
Al oblystyq kitaphananyń «Aýyldyq kitaphana – áleýmettik ortalyq» jobasy aıasynda aýyl turǵyndary jergilikti kitaphana mamandarynyń kómegimen e-gov.kz baǵdarlamasy boıynsha elektrondy qyzmetti paıdalana alady. Tipti, jergilikti ákimdikterdiń endi kitaphanada aýyl máselelerine oraı jıyndar, kezdesýler ótkizýge múmkindigi bar. Aýyldyq kitaphanalarda da Abaı kitaptaryn syılaý sharasy jyl boıy jalǵasady. Balalar men jasóspirimderge, úlkender úshin kompıýterlik úırený kýrstary ashylmaq. Múmkindigi shekteýli adamdarǵa da kitaphana qyzmetkerleri turaqty túrde habarlasyp, kómektesedi.
Sholpan Shahmetovanyń aıtýynsha, jalpy, jańǵyrtýdan ótetin kitaphanalar erejesi boıynsha, aýyldaǵy turǵyn sany myń adamnan kem bolmaýy kerek. Mekteptiń bolýy, aýyldyń aýdan ortalyǵymen baılanysta bolýy mindetti. 2002-2004 jyldary «Aýyl kitaphanasy» baǵdarlamasy aıasynda birqatar aýylda kitaphana ashylyp, qazir 130 kitaphana mobıldi standartqa, sıfrly formatqa kóshirilýde.
Qazir oblys boıynsha 231 kitaphana bolsa, 201-i aýyldarda. Ortalyq kitaphananyń 23 myńnan astam oqyrmany bar. Kitaphana qyzmetin jańa zamanǵa saı jańartý jolyna túsirýdi aýyldardan bastaý qajettigi de túsinikti.
Jergilikti turǵyndarǵa kitaphana qyzmeti tolyq qoljetimdi, tıimdi bolý úshin «Kitaphanaterapııa» jobasy da iske asqan.
Bul jobanyń negizgi maqsaty – kitapty ár oqyrmanǵa jetkizý. Qyzmettiń qoljetimdiligi artady, suranystardy ýaqytynda jáne jedel oryndaý múmkindigi týady, aqparattylyǵy jáne mazmunynyń tereńdigi jaqsarady degen senim bar.
Sonymen birge «Otbasy jylýy» jáne «Urpaqtar dıalogy», «Kitap qoryn birge jasaımyz» jobalary júzege asyrylýda. Iаǵnı, kitap qory oqyrmannyń suranysyna baılanysty tolyqtyrylýda.
Jastarǵa arnalǵan «ZhaStar» jobasy sheńberinde kitaphana barlyq toptaǵy jastardy biriktirip, olardyń ár saladaǵy, ónerdegi, ǵylym jáne bıznestegi jetistikterin kórsetýde.
Taǵy bir jańashyldyq – oblys ortalyǵynda tramvaılarda QR-kitaphanasy arqyly jolaýshylar arnaıy QR kodtardyń kómegimen tańdalǵan kitaptyń elektrondy nusqasyn tegin júkteı alady. QR-kitaphanadan óńir tarıhy, ekologııasy, áleýmettik-ekonomıkalyq jaǵdaıy týraly aqpar alýǵa bolady. Kitaphana qyzmetinde de sıfrlandyrý júıesi júrgizilip, sırek kezdesetin, qundy týyndylar kóshirilýde. Qurylǵy jańa jáne jyldam jańartylyp otyrady. Ártúrli jastaǵy oqyrman paıdalana alady.
Tramvaı jolaýshylary mobıldi qosymshanyń kómegimen unaǵan kitapty elektrondy nusqada júkteı alady. Bul úshin QR Code Reader nemese ınternet-saıttardyń basqa da tegin qosymshalaryn paıdalanyp, tańdalǵan kitaptaǵy QR-kodty skanerleý qajet.
Kitaphanada Web-RABIS baǵdarlamasynyń 5 modýli de, ıaǵnı, «Kitap qoryn tolyqtyrý», «Katalogızator», «Izdeý jáne tapsyrys berý», «Kitap berý» jáne «Oqyrmandardy tirkeý» júıeleri oqyrmandarǵa qyzmet kórsetýde.
«Baspa betterinde», «Esimderdiń shoqjuldyzy», «О́ńir ǵalymdary» «Sıfrly ensıklopedııa», «О́ńirdiń ádebı kartasy», «Sultanmahmut Toraıǵyrov» vırtýaldy kitaphanasy», «Pavlodar óńiriniń qazirgi avtorlary» QR-kitaphanasy jobalary jalǵasýda.
О́lketaný jaıynda ádebıetterdi sandyq júıege keltirip, sırek jáne baǵaly kitaptardyń elektrondy kolleksııalary daıyndalýda.
Internet júıesin paıdalanyp, beınekonferensııalar, onlaın rejiminde vebınarlar ótkizý dástúrge aınalýda. Respýblıka jáne elden tys jerde ótetin sharalarǵa qashyqtyqtan qatysý oqyrmandarymyzǵa kerekti aqparattar alýda úlken kómek.
Qazirgi kitaphanalar túbegeıli ózgeristerge beıimdelýde. Aqparattyq zaman kitaphanaǵa da jańa mindetter men maqsattar júkteýde.
– О́ıtkeni, jastar, jasóspirimder kitap oqýdan qalyp, zamanaýı «gadjetterge» táýeldi bolýda. Bizdiń maqsat – kitaphanada dástúr men jańashyldyqty saqtaı otyryp, jańa zamanǵa saı kitap oqı bilýge shaqyrý. Ǵalamdyq jańa tehnologııalardy paıdalana otyryp, dástúrli kitap oqý mádenıetin joǵaltpaý. Oqyrmanymyzdy kóbeıtý úshin kitaphanaǵa kelgen paıdalanýshyǵa barlyq jaǵdaı jasalýda, – deıdi Sholpan Shahmetova.
Oblys ortalyǵyndaǵy «Batyr mall» saýda kesheninde ótken shara barysynda Abaı óleńderin jatqa aıtatyn, Qara sózderin biletinderdiń kóbi stýdent jastar bolǵany qatty qýantypty. Barlyǵyna da Abaı kitaptary syıǵa berildi.
Bul kúnderi kitaphanalyq salany modernızasııalaý jáne kitaphana mamanynyń sanasyn ózgertý, kitaphanalyq keńistikti jasap, ıntellektýaldy ortany qalyptastyrý baǵytyna bet burý – zaman talaby.
Pavlodar
