Qoǵam • 28 Qańtar, 2020

Elorda ákimi Memleket basshysynyń tapsyrmalaryn júzege asyrý boıynsha keńes ótkizdi

62 ret kórsetildi

Elorda ákimi Altaı Kólginov Memleket basshysynyń Úkimettiń keńeıtilgen otyrysynda bergen tapsyrmalaryn júzege asyrý boıynsha keńes ótkizdi. Prezıdent Qasym-Jomart Toqaev elorda men eldi-mekenderdi turǵyn úı, áleýmettik jáne kólik ınfraqurylymymen qamtamasyz etýge asa nazar aýdardy. Bul týraly qala ákimdiginiń baspasóz qyzmeti habarlady.

«Qalany aralaý kezinde barlyq eldi-mekenderge baryp, turǵyndarmen kezdestik. Olardyń aıtqandaryn eskere otyryp, qalada ne salý qajet ekendigin sheshtik. Jóndeý jumystaryn jasaı otyryp, 100-den asa kóshe salamyz. Balalardyń oqýyna jaıly jaǵdaı jasaý úshin 6 mektep salamyz. Sonymen qatar 5 medısınalyq ortalyq salamyz. Sondaı-aq kelesi jylytý maýsymy bastalǵanǵa deıin birqatar eldi-mekenderdi gazben qamtımyz», - dedi elorda ákimi Altaı Kólginov.

Ekinshi. Qoljetimdi baspanamen qamtý. Qoljetimdi turǵyn úıge kezekte turǵan adamdardyń sanyn barynsha azaıtý qajet. 2019 jyly 2900 adam páter aldy. Jeńildikpen usynylatyn baspana qurylysy kólemin 3 ese arttyramyz.

Úshinshi. 2020 jyly 12 mekteptiń qurylysy aıaqtalyp, 8 mekteptiń qurylysy bastalady. Qaýipsizdikpen qamtý úshin barlyq áleýmettik nysandardy beınebaqylaý kameralaryna qosý qajet. 800 orynǵa eseptelgen kópbeıindi aýrýhananyń qurylysyn bastaý kerek. Áleýmettik nysandardyń qurylysyna jeke qarajat tartý. Mindetti áleýmettik medısınalyq saqtandyrý (MÁMS) boıynsha túsindirme jumystaryn jalǵastyrý.

Tórtinshi. Áleýmettik mańyzy bar azyq-túlik taýarlarynyń baǵasynyń ósýine jol bermeý úshin turaqtandyrý qoryn qalyptastyrý, azyq-túlik jármeńkelerin uıymdastyrý jáne basqa da sharalar qabyldaý.

Besinshi. Turǵyndar memlekettik qyzmetterdi úıde otyryp alýy úshin olardy avtomattandyrý. Sondaı-aq, 112 baılanys ortalyǵyn qurý qajet. Bul ortalyq qyzmetterdiń jumysyn jeńildetip ǵana qoımaı, turǵyndardyń ótinishterine jedel áreket etýge kómektesedi.

Altynshy. Birinshi kezekte qala ekonomıkasyn damytýǵa septigin tıgizetin, qala turǵyndarynyń arasynda suranysqa ıe ınvestısııalyq jobalardy qoldaý kerek. Kásipkerlerge jaǵdaı jasaý maqsatynda iQala-da ornalasqan «bir tereze qaǵıdaty» boıynsha  jumys isteıtin «bızneske arnalǵan Úkimet»  jobasyn damytý kerek.

Jetinshi. Kvazımemlekettik sektor men ımıdjdik jobalardy ońtaılandyrý bıýdjet qarajatyn únemdeýge múmkindik beredi. Únemdelgen qarajat qala men onyń turǵyndarynyń ózekti máselelerin sheshýge baǵyttalady. Jobalardyń qymbattaýyna alyp keletin tıimsiz josparlaý úshin jeke jaýapkershilikti bekitý.

Segizinshi. «Halyq únine qulaq asatyn memleket» tujyrymdamasyna sáıkes halyqpen keri baılanysty nyǵaıtý qajet. Azamattarmen kezdesýler  resmı sıpatta bolmaýy shart. Nur-Sultan qalasynyń ákimdigi Prezıdent bergen tapsyrmalardy júzege asyrý úshin jumystar atqaryp jatyr.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar